Saga na matanitu mera vukei na qasenivuli

Na matanitu e sa saga sara tiko vakaukauwa mera vakatorocaketaki na qasenivuli me vinaka na nodra veiqaravi kivei ira na noda gonevuli.

Sa vakayacori tiko ena gauna oqo eso na veisau, ka tukuna na Minisita ni Vuli ka Vunilawa talega o Aiyaz Sayed-Khaiyum, ni na vinaka vei ira na qasenivuli. Na veisau vou oqo e tukuna na turaga Minisita ni veisau e yavutaki mai na savasava kei dodonu. E mai vakayacori na veisau oqo ni oti na veivosaki kei ira nai soqosoqo ni qasenivuli kei ira na kena ivakailesilesi, ko ira na qasenivuli kei ira nai tubutubu.

Na veisau sa mai vakayacori e vakamatatataka o Sayed-Khaiyum, ni sega ni dua e tosoi sobu na nona itutu ka tubu na kedra isau na qasenivuli. Na tosocake ni kedra isau e na vakauqeti ira mera cakacaka vakaukuawa, e tukuna o Sayed-Khaiyum, ka ra na dina talega e na nodra veiqaravi.

Sa veivakasalataki talega na Vunilawa ni o ira qasenivuli e na basuka na lawa e sa na sotava talega na kena itotogi.

“Ko ira na cakacaka vinaka era na sotava talega na kena isau,” e kaya o Sayed-Khaiyum.

E tukuna na Minisita ni Vuli ni oqo e sa qai matai ni gauna me soli kina na sikolasivi vei ira na qasenivuli, ka ra gadreva mera toso cake na nodra ivakatagedegede ni vuli, se mera rawata na nodra ivola koroi ni cakacaka.

E vakadeitaka o Sayed-Khaiyum ni na veisau esa mai vakayacori oqo, mera vukei kina na qasenivuli ka sega ni nodra isoqosoqo. Na tukutuku oqo e tukuna na Minisita ni rawa ni ratou rogoca mai na matanitu na soqosoqo e nodra na qasenivuli Idia ka vakatokai na Fiji Teachers Union (FTU), ke ra sureta na Minisita me la’ki vosa vei ira, ia e kena ca ni ra sega ni vinakata.

E vinakata ga na isqosoqo, e tukuna o Sayed-Khaiyum, me tukuna ga na itukutuku lasu vei ira na lewena. Na veisau oqo e na vinakata na cakacaka dodonu. E sa kerea talega na turaga Minisita Sayed Khaiyum ki na FTU me luvata na nona matavulo ka me veitokoni e na veisau sa yaco tiko.