Nodra Cakacaka Na Daunivucu E Dua Na Isolisoli
Na veiyasana e 14 e Viti e kilai ena veimeke era dau meketaka. Vei ira na turaga era meketaka na wesi, meke iwau, kei vakamalololo.
Ko ira na marama era meketaka na seasea, vakamalolo kei na meke iri. Ia eso na yasana era kena dau ena meketaka eso na meke me vaka mai Bua era kilai ena meke wesi na turaga. Mai na yasana vakaturaga o Lau era meketaka edua na meke vakatoga ka meke ruarua kina na marama kei na turaga ka yacana na `lakalaka’. Na meke e meketaki e tikoga ko ira era dau vulica ka ra vakatokai mera daunivucu.
Ena dua na itukutuku eratou vakarautaka na Tabana ni Vosa kei na iTovo Vakaviti (TVTV) ni Tabacakacaka iTaukei eratou vakarautaka kina ni ko ira na era kilai nira dau buli meke. E na gauna e liu era dau meketi ga na turaga ia na gauna qo era sa meketi na vulagi dokai.
E kuria na nodratou itukutuku ni dau talanoataki ena meke na itukutuku ni vanua, na veika a yaco ena dua na taba gauna; so na meke era talanoataka na tauyavu ni koronivuli, cabe ni lotu, ivalu kei na so tale.
Ko ira na daunivucu e tiko vei ira edua na isolisoli ka levu era tukuna era vakatevorotaka. Eratou tukuna aTVTV ni meke e tiko na itovo e salavata me vaka na kerei ni meke, vulici ni meke, isevu ni meke, iucu ni meke, iluva ni vesa, vakac irisalusalu ni qaravi oti e dua na meke. Na itovo kece qori, e sega ni rawa ni oka me cakacaka ni tevoro baleta e matanataki ena itovo qori na veivakatur agataki.
“E vakacala na TVTV ni isolisoli ni vakatevoro na daunivucu baleta na buli ni meke kei na veivakama rautaki ena meke e vakaturagataki kina na itikotiko ni veiliutaki vakavanua,” eratou tukuna.
Na isolisoli vakadaunivucu e isolisoli vakavanua ka ratou kuria e sega ni rawa ni mai vakayacora na tevoro na veivakatur agataki ni sega ni nona iyau.
E levu era dau tukuna ni ra vakatevorotaki na meke baleta ni sona meke e dau talanoataki kina eso na itukutuku mai na dua na vanuatani ka se bera mada ga nira butuka se ra kila na daunivucu.
Na nodra meke dau qai salavata kei na isulu e vakayagataki.
Ia na meke ni veivaka marautaki eda sa sarava tu e na gauna oqo, sa dua tani sara mai vei ira na meke era vulica na daunivucu.