Sa mai cava na cakacaka nei Cawaki

Sa mai vakacavara na nona cakacaka vaka ivukevuke vaka Minisita o Joeli Cawaki, ena nona bose kei ira na mata ena tikina o Nagonenicolo, Naitasiri, kei na nona bose kei ira na itabagone mai Rakiraki.

Na bose kei ira na mata ni tikina mai Nagonenicolo e a vakayacori mai Nakorosule ena siga Vukelulu, ka bose kei ira na itabagone ena Lotulevu. Ena veivosaki kei ira na mata ni tikina e veivakasalataki kina o Cawaki e na veika mera vakayacora ena nodra kerea e dua na ka kina matanitu. E tukuna kivei ira ni dau levu na gauna e dau vakayacori na veivosaki, ka vakayacori na veivakadonui ena gusu. Na veivosaki oqo, e tukuna, ni dodonu me muria edua na ivola. “Na ivola me volai kivei koya e solia na veivakadonui, ka me dua na ilavelave me vakau vua na Vunivola Tudei.”

Ena vula o Seviteba nai ka 11 ni siga era a bose kara vakadonuya kina e 21 na vakatutu.

Na vakatutu oqo e tukuna vei ira o Cawaki ni vinaka, ia sa qai vo na kena vakaraitaki kina vei minisitiri ni matanitu me kila. Oqo e tukuna ena caka vakaivola, ia ni sa vakau me dua tiko na nodra ilavelave.

Ni oti na nodra veivosaki era a v aka vin a vin a kat a ki Ca wakikei na matanitu ena veiqaravi vinaka vei ira na lewe ni vanua.

Ena veivosaki mai Rakiraki ena Lotulevu, e sa la’ki tauyavutaki kina na nodra isoqosoqo ni tei yaqona na itabagone ka vakatokai na Ra Province Yaqona Farmers Association.

Sa tiko e dua na veivakadonui kei ira na dau tei yaqona mai Cakaudrove, me ra la’ki cakacaka yani kivei ira eso na itabagone, ia ni ra sa lesu mai mera kauta mai na no dr aitei.Etu ku nao Cawaki ni sa vakayacori tale tikoga na veivosaki me baleta na kena kau mai na itei mai vei ira na dua tei yaqona, me yaco sara ki Nabouwalu me vodo kina waqa ka vakatalega kina na kena kau mai waqa ni kele e Natovi me yaco sara ki Rakiraki. Na yaqona e tukuna vei ira na itabagone ni sau vinaka ka levu na kena makete.