Tudei na Qele ni iTaukei, e Kaya o Paraiminisita

Era sa solia na nodra veivakadeitaki na Turaga Paraiminisita o Voreqe Bainimarama ni qele ni iTaukei e tudei tu vakavinaka.

Era vakacala kina na nodra vunau eso na isoqosoqo vakapolitiki, vakabibi na SODELPA. Na isoqosoqo na SODELPA e vunautaka tiko ni sega ni dei na qele ni iTaukei, ka ratou na vakalesuya mai na Yavu ni Vakavulewa ni 1997. E tukuna na Turaga Paraiminisita na qele ni itTaukei ena Yavu ni Vakavulewa ni 1997 e rawa ni veisautaki me qele volivakadua me sa qai volitaki. Ia ena Yavu ni Vakavulewa ni 2013 sa vakatabui kina vakadua.

Na tikina e 28 (1) ni Yavu ni Vakavulewa e tukuna – “Na qele ni iTaukei mera taukena tikoga na itaukei ni qele, ena sega talega ni rawa ni volitaki, soli, tokitaki se veisautaki vakavo ni tauri vakamatanitu me vaka e virikotori ena tikina 27.”

Na 28 (2) e tukuna – “Ke dua na qele ni iTaukei e taura na matanitu ena dua na inaki raraba, ni oti na kena taurivaki na Yavu ni Vakavulewa oqo me vaka e virikotori ena tikina 27 se ena dua na lawa tabaki, me na vakasukai tale vei ira na kena i-taukei ke sa sega ni vakayagataka na qele na matanitu.”

Era solia na nodra veivakadeitaki na Turaga Paraiminisita ni qele ni itaukei e dei tiko ka sa vakadeitaka tu na Yavu ni Vakavulewa ni 2013. E dua tale na ka e tasereka na Turaga Paraimininisita na vuna e sega kina ni tukuni ena Yavu ni Vakavulewa me vanua lotu vakarisito o Viti. Oqo era kuria ni kauta mai na veivakaduiduitaki.

Na va nu ao Vi tie levuk in ana veimatalotu ka dodonu mera rokovi. Na Yavu ni Vakavulewa ni 2013 e solia na dodonu kivei ira na lewenivanua mera digitaka na lotu se Kalou mera qarava.

Era solia talega na nodra veivakadeitaki ni tosotoso vou sa liutaka tiko na matanitu, e sega ni dua me guilecavi ka gadrevi meda na yaco tau cokok in a Vi tivo us a tue matada.