iCovi ni Gugumatua: Gadreva O Marama Me Na Qasenivuli
MAIKA BOLATIKI
Evakaraitaka o Marica Marama, na gonevuli ni Baulevu High School ka taura na icovi ni gugumatu ni tatadrataka tu me na qasenivuli mai muri. Ni tarogi se cava na vuna e via qasenivuli kina qai tukuna ni vinakata me vukei ira na gone. E tukuna ni gauna e dau tu kina e vale, e dau vinakata me tu vata kei ira na gone ka solia na veivuke era gadreva.
E vakaraitaka na marama na tinana o Sainimli Tukai ni sega ni kurabuitaka na noa rawata na icovi o Marama, na nona ulumatua. Ko Marama, e vakamacalataka o Sainimili ni gone dau vakarorogo ka dau veivuke ena veika cakacaka kece ni matavuvale.
E sega ni dau lako se veimurimuri ka dau vakayagataka vinaka na nona gauna e vale,” e tukuna o Sainimili.
Ena nona via qasenivuli o Marama, e tukuna na marama tinana ni na sega ni na dredre vua. Sa cakacakataka tiko vakaukauwa me dina na nona tatadra ka tukuna ni rau tokona vakaukauwa na nona itubutubu.
Ena tuvaitutu mai Baulevu High School e vulagi dokai kina na Minisita ni Teitei o Inia Seruiratu. Ena nona vosa, e tautaunaka vei ira na sa iotioti tiko ni nodra yabaki mera bulataka edua nai bula vakarau.
“Moni bulataka e dua na bula ivakarau moni dau vakabauti kina,” era tukuna.
Na itavi ko ni na vakacolati kina e tukuna me qaravi sara vakavinaka.
E vakaroti ira mera qarauna sara vakavinaka na nodra na digitaka na vanua se cakacaka mera vakaitavi kina.
Na bula era na la’ki sotava e tukuna ni levu, ni na tiko vata kei na veivakatovolei, ka dodonu mera na vakatulewa sara kina vakavinaka.
“Na vakatulewa esa na nomu duadua ka ra sa na sega kina na qasenivuli kei ira na itubutubu.” E nuitaka ni ra na vakayagataka vinaka na veika era sa vulica e Baulevu High School me vinaka kina na bula era na la’ki bulataka ena veivanua era sa na gole kina. Feedback:
ena i ka 20 ni drauniveva.