Me Rogoci ka Muri na iVakasala ni Draki: Captain (Navy) Tawake
Sa veivakasalataki na iLiuliu ni Mataivalu e Wai o Captain (Navy) Humphrey Tawake kivei ira na tu ena veiyanuyanu mera dau rogoca ka muria na ivakasala ni draki e dau kacivaki. Ena vula o Noveba e a solia na nona ivakasala kivei ira na dau soko kei ira na pasidia, ena kena rokovi na ivakasala mai vei iratou kei na Tabana ni Draki. Na nodratou mai yali tiko oqo na lewe vitu mai Gau, Lomaiviti, e tukuna ni ratou sega ni via vakamuria na ivakasala kei na ivakaro ni draki e a sa kacivaki. Na leqa eratou sotava e tukuna ni vu ga mai ena nodratou vakatulewa cala. E tukuna na iLiuliu ni Mataivalu e Wai ni ratou sa mai cegu ena vaqaqara ena vuku ni drake ca esa kaburaki tiko.
“Sa kune na boto ka ratou vakayagataka kei na rua na siqileti,” e tukuna o Captain (Navy) Humprey. Ke ratou a vakamuria na ivakasala ni draki e tukuna o Captain (Navy) Tawake, ke a sega ni yaco na vaqaqara.
Ni sa mai yaco na leqa e tukuna o Captain (Navy) Tawake ni sa dodonu me solia edua na ivakavuvuli ki vei ira na lewenivanua. E tukuna ni vaqaqra eratou liutaka na Ovisa ka ratou a veivuke ena vaqaqara e wasawasa. Eratou sa kerekere ki vei ira na lewenivanua ke dua na itukutuku era kila tiko me baleti iratou na yalo tiko oqo mera qai tukutuku ki vei iratou na Ovisa kei iratou talega.
Sa mai cava ena noa na nodratou vaqarai na lewe vitu oqo.
Me baleta na draki, e tukuna e sa tikoga na draki ca ka sa toso voleka tiko mai ki Viti.
Na nodratou ivakasala ki na lewenivanua mera vakarautaki ira ka rokova tiko na ivakasala e kaburaki tiko me baleta na draki.