Kauwaitaki Na Qoli Butako E Ucunivanua, Verata
Na qoli butako sa yaco tiko e Viti raraba. Mai na vualiku kei Tailevu (Tailevu North) ena dua na veitalanoa kei na turaga na Ratu mai Namalata o Ratu Isaia Tuirakiwaimaro, era tukuna ni sa vakayacori tiko na qoli butako ena nodratou iqoliqoli.
Era kauwaitaka vakalevu na lewe ni koro vakaturaga o Ucunivanua, Verata, ena yasana o Tailevu, na qoli butako e vakayacori tiko ena nodra iqoliqoli.
E vakaraitaka mai kina Siga Vou na turaganikoro o Ratu Sevanaia Verata ni levu na nodratou iqoliqoli ka ra bula tiko mai kina. “Na neimani voli levu eke na sasalu mai waitui ia ena gauna oqo sa levu era mai kauta tiko na qoli butako,” e tukuna o Ratu Sevanaia. Era dau yadrava e liu ka tukuna ni sa mai sega ena gauna oqo ni sa leqa tiko na idinicavu ni koro. E tukuna na turaganikoro ni ra sa solia oti e $5000 na isau ni boto kei nai idinicavu kina valenivolavola ni Talai e Loma, ka ra namaka tiko me na soli yani vei ira ena yabaki oqo.
Ko ira na qoli butako tiko oqo e tukuna era gole mai ena veiyasai Viti.
E sega ni dua vei ira e kuria me bau via gole yani kina koro me la’ki kerea me vakayagataka na iqoliqoli.
“E laurai ga eke na nodra viavialevu kei na kocokoco. Era sa kocova nai yau ni tani.”
E vakadeitaka kina Siga Vou o Ratu Sevanaia ni ra na sega ni via muria na sala kaukuwa na lewe ni vanua, ia ni sa na tobo e dua sa na soli ga vei ira na Ovisa.
Na qoli butako sa yaco tiko e Viti raraba.
Mai na vualiku kei Tailevu (Tailevu North) ena dua na veitalanoa kei na turaga na Ratu mai Namalata o Ratu Isaia Tuirakiwaimaro, era tukuna ni sa vakayacori tiko na qoli butako ena nodratou iqoliqoli.
Ena yasana o Serua e a vakayacora edua na vuli vei ira na Ovisa ni qoliqoli na Tabana iTaukei ena yanuyanu o Yanuca.
Na vuli qo e vakamuria tikoga na nodra kauwai na lewe ni yasana ena qoli butako sa vakayacori tiko ena nodra iqoliqoli.
Mai na yasana o Ra sa yaco tale tikoga kina na qoli butako.