Ra Tokona Na iTaukei Ni Qele Na Tei Kau
Na tei kau oqo sa vakayacori mai Ba, Nadroga kei Naitasiri.
Era sa solia na nodra veitokoni na itaukei ni qele kei ira na turaga ni yavusa, kina porokaramu me teivaki e va na milioni na vunikau ena loma ni va na yabaki (Trees in 4 Years Initiative) me tekivu ena yabaki oqo. Na tei kau oqo sa vakayacori mai Ba, Nadroga kei Naitasiri. E tukuna nai liuliu ni koro o Naqara o Ratu Uraia Rakavono vua na Minisita ni Veikau o Osea Naiqamu kei ira na nonai lawalawa na nona marau ena kena digitaki o Naqara me la’ki vakayacori kina na tei kau. E tukuna ni kau ena tei ena vinaka vei ira era sa bera mai.
Mai Navuakece, Naitasiri, e tukuna o Ratu Meli Muakalou ni tokona na porokaramu kara vakavinavinaka vakalevu vei Naiqamu ena nona sikova yani na nodra koro. E tukuna o Ratu Muakalou ni na dredre ga e tiko na nodra lakova nai tei kina na Tabana ni Veikau me mai tei.
Mai Nacokaika e tukuna o Ratu Akuila Vakadranu ni ra marautaka na veisiko yani nei turaga Minisita.
E tukuna ni otioti ni vakeilesilesi cecere mai na matanitu me sikovi ira yani o Filipe Bole ni sa taura tiko nai tutu vaka Minisita ni Vuli kei na iLiuliu ni Bose Lawa e Palimedi, o Vuniwai Jiko Luveni sa mai yali, ni sa taura tu na itutu vaka Minisita ni Marama ena nona laki dolava na nodra vale ni soqo. Na koro ko Nacokaika e tukuna o Ratu Vakadranu ni tokona na porokaramu ni tei kau me tei kina e va na miloni na vunikau ena lomani va na yabaki sa tu e matada.
Ko ira talega nai taukei ni qele era tokona na porokaramu oqo. Na porokaramu oqo e a tekivutaki ena vula ko Janueri nai ka walu ni siga.