Dola na vale ni tuki yaqona mai Kadavu

Sa mai basika e dua na mataka vou mai vei ira ena yanuyanu vakaturaga mai Kadavu, ena kena sa mai dola na nodra vale ni tuki yaqona e Tavuki.

Oqo e dua na nodratou ituvatuva na Kadavu Kava Farmers’ Co-operative Limited (KKFCL) ena gauna eratou tauyavu kina ena 2017. Na kena sa mai dola oqo e tukuna na jemeni ni KKFCL o Roko Seru Nabalarua, ni na vukei ira sara vakalevu na dau tei yaqona. E tukuna so na gauna era dau sotava na leqa na dau tei yaqona ia oqo sa tu volekati na qaqi ni yaqona ka vaka kina o koya ena volivoli.

Na nodra misini ni yaqona kei na kena vale e kena isau e $210,000.00 a veivuke kina na Tabana ni Teitei ena nodratou porokaramu ka vakatokai tiko na Rural and Outer

Islands Programme (ROI)

E tukuna nai vakalesilesi mai na Tabana ni Teitei o Paula Tuione ni na yaga kivei ira na dautei yaqona na vale kei na misini. E vakavinavinakata talega na nodra cau kina kena sa mai vakavotukanataki e dua na ka era kila na kena yaga.

O Kadavu e tukuna o Tuione ni kilai levu ena tei yaqona dina ga ni tu na dredre era sotava ia na ka sa mai rawa oqo ena yaga kivei ira era sa bera mai. E dua na ka ena tu e matadra e kuria sai koya na veiqati kivei ira na maketetaki yaqona ki valagi ia e nuidei ni na sega ni ra na yalolailai kina.

E tukuna e dua na dau tei yaqona mai Kadavu, ka sega ni vinakati me kilai na yacana, ni ko ira era na raica ga na isau ni yaqona.

“Ke sau vinaka, keimami na volitaka na neimami yaqona kina KKFCL ia ke sega keimami na raici ira tale eso,” e tukuna.

Ia e kuria ni ra marautaka na na veika sa vakayacora na kabani. E nodra cau na veitikina kina veivakatorocaketaki mera tauya $10,000.

Eso na kabani ni yaqona e Suva e sa tu nodra mata mai Kadavu, ka voli yaqona talega.

Ke sau vinaka, keimami na volitaka na neimami yaqona kina KKFCL ia ke sega keimami na raici ira tale eso. Paula Tuione Vakalesilesi mai na Tabana ni Teitei