Marautaki na ose e soli yani mai Gau, Lomaiviti

Sa dua na ka na nodra marau na 16 na koro mai Gau ena yatu Lomaiviti, ena 32 na ose e solia yani na Tabana ni Teitei.

Na 32 na ose oqo ka usana yani na waqa ni matanitu na Vatulawa ka ra la’ki dui kauta na nodra mata mai na veikoro ena wavu e Qarani. E vakaraitaka mai ki na na Siga

Vou na mata ni tikina o Sawaieke kina Bose ni Yasana o Lomaiviti, o Kelepi Delai Mataitoga, ni levu na veikoro mai Gau e sega kina na ose. Mai na nona koro e Nawaikama e tukuna o Mataitoga ni levu vei ira era sa bera vakadua ni raica na bose e matana votu, ia era sa raica ga ena itaba.

Ko rau na digitaki e Nawaikama me rau la’ki kauta mai na ose mai Qarani, e tukuna o Mataitoga erau tuya mai me vaka erau sega ni kila na vodo ose.

E vakatalega kina o ira na mata mai na veikoro, era tuya talega na nodra ose ki na nodra veikoro. Mai Nawaikama e tukuna o Mataitoga ni sa dua na ka na nodra marautaka na nodra ose.

E tukuna ni a vakayagataka e dua ena kena la’ki usa mai na nona yaqona mai na nona iteitei. “Kevaka me’u a colata mai ke’u a tale vakarua se vakatolu ia na ose e tale ga vakadua,” e tukuna o Mataitoga.

Ena bose ni koro e Nawaikama e tukuna o Mataitoga, sa tataunaka kina o Atunaisa Saro na turaga-nikoro na nodrau qaravi vinaka na ose. Sa kerea talega na turaga-ni-koro me na tukuni yani vua o koya ena via vakayagataka na ose, ka rau sa lesi e lewe rua na cauravou me rau raica vakatabakidua na ose.

Main akoroo So mos omoetuk una o Mataitoga era vakasulutaki rau na ose ka rau vakasalusalutaki talega ena nodra marautaki rau.

Veitaba: Tabana ni Teitei Era sa yaco ki Qarani, Gau, na ose ena waqa ni matanitu na Vatulawa. Era sa wase sara ga eke na veikoro ka ra dui kauta na nodra.