$5m na bonisi ni paini

Era sa liga batabata na itaukei ni qele e lisitaki tiko kina kabani na Fiji Pine Limited ni sa saumi vei ira na bonisi e $5m. Qoka me vaka a laki solia vei ira na turaga n iliuliu ni Matanitu o Paraiminisita Josaia Voreqe Bainimarama ena siga lotulevu na ika 24 ni Seviteba 2020.

Vakakina oqo e vica na mala ni nona vosa na turaga na Paraiminisita.

“Na Covid 19 e vakatoboicutaka na noda bula vakailavo kasa vakilai talega ena ivoli eda bulia ga ena noda vanua ka vakilai talega ena ivoli me vaka na Paini.”

“Lutu saka na veiqaravi ni kabani ni musukau ena noda vanua ena 40 na pasede.”

“Lutu talega na isau ni volitaki ni imusumusu ni kau kasa vakalailaitaka saka na musukau.”

“Kena ivakaraitaki ga ni qaqi saka ni musukau e Drasa e sogo tu me 5 ma macawa.”

“Ena gauna a dola tale kina e levu sara na dredre e sotavi ena kena makete.”

“Ia, ni sa rogoca tale tikoga na ivakamacala e cakava tiko na turaga na jeameni, na veiqaravi saka ni Fiji Pine Group e yaga vakalevu vei ira na lewenivanua kece sega walega vei ira na vakailesilesi ena vale ni musukau.”

“E rauta ni 25,000 na itaukei ni qele e levu vei ira na itaukei ni qele era bikaca na vanua kara tikoga ena koro ka vakatautaki na bula ni nodra vuvale ena nodra rawaka ni sema saka kina na veiyasai Viti.” “E rauta ni 25,000 na itaukei ni qele era vakararavi kina kabani oqo E levu na vuvale era vakararavi ena kena dola saka tikoga na kabani ni Paini. E sa cakacaka vaka yalomatua na Fiji Pine ena gauna ni iqaqi saka ni musu kau e

Drasa a sogo saka tu me 5 na macawa.”

“Ratou vakarautaka e dua na ituvatuva ni veiqaravai na matabose kei ratou na veiliutaki ena Fiji Pine Group. E gadrevi me tomani saka tikoga na veiqaravai ni kabani me rawa nira maroori kina na itaukei ni qele.”

“E tu raviti ira na itaukei ni qele kei na tamata cakacaka na Fiji Pine Group. Ia vei kemuni saka na itaukei ni qele au kila ni oni via taura na bonisi ena yabaki saka oqo.”

“E levu vei ira na lewe ni nomuni vuvale e ra veiqaravi ska tiko ena tabana ni saravanua era sa sega ni cakacaka. Ka so saka e musu na nodra aua ni cakacaka.”

“Oqori na vuna oni na sega ni guilecavi kina. Au marautaka vakalevu noqu tiko ni kua meu mai wasea na tubu vaka ilavo e $5 na milioni.

“Me yacova saka mai edaidai e sa sauma rawa saka Fiji Pine Group e rauta e 24.1 na milioni na dola na lease security bonus na bonisi oni mai taura saka tiko ni kua.”

“Kau nuitaka ni veivuke saka vakelvu vei kemuni na itaukei ni qele ena gauna dredre oqo,” kaya o PM Bainimarama.