Uqeti ena vakayagataki qele ko Tevita
ENA gauna e mai vakacegui kina na nona cakacaka ko Tevita Vaisova Tora baleta na kena tadu mai na mate dewa na COVID-19 e sega tale ni loma tarotaro okoya me sa dewa vakatotolo sara yani ena vakayagataki ni qele.
Ko Tevita era a cakacaka tu vaka yadra ena katuba ni dua na vale ni vakatagi kei na gunu ena tauni e Suva ka sa mani toki yani ki Bua me laki qaravi teitei. Ni bera oqo esa vakayacora tiko na teitei me vukei vugona kina ka dau lako mai vakagauna me laki siko teitei. Na nona teitei e tiko mai Navure, Nawaido, Solevu mai Bua ka tukuna okoya ni se uqeti koya ga mai na imatai ni gauna na nodra teitei ka vinakataka me teivaka na yaqona. Dau vakaqaqataki koya voliga o nona momo ka sa qai vakadeitaki koya vinaka ena gauna esa sega kina ni cakacaka e Suva.
Ni kua esa tea rawa okoya e 1500 na kasa ni yaqona, 1700 na mata ni dalo, oqo ena Uro ni Vonu kei na tausala, 1000 na tavioka kei na vudi.
Sa nanamaki voli ko koya me vakarau tatamusuki ena vula o Tiseba oqo ka dewa ena Everieli ena ikarua ni tatamusuki. Marautaka vakalevu ko Tevita na nodra cakacaka ni veiqaravi me teivaka na qele me vaka ni dua na gauna vinaka ni nanamaki kei na cakacaka vakaukauwa me rawati kina na nodra sasaga.
Era vakaitavi ena dua na vuli na dauteitei oqo ka vakarautaka vei ira na Tabana ni Teitei ka vakaraitaka o Arthur Mills na nodra iluliu na dauteitei ni ra taleitaka na veivuke ni kilaka vakavuli ni teitei. “Keimami sa rogoca tiko na kena bibi ni vakarautaki vakasavasava na kakana ka keimami sa teitei tiko ena gauna oqo ena rai ni organic se ena sega ni vakayagataki ni waimate ni qele se itei ka sa 90 na pasede na vanua era sa yacova.” Vakaraitaka ko Lizi Steiner na vinaka ni vuli era curuma baleta ni vakaraitaki veira eso n aka era sega ni kila.
“Edua oya na kena dau tauvi mate na yaqona ka vakaraitaki vei keimami na sala ni kena samaki na yaqona.”
Ni kua esa tea rawa o Tevita Vasova Tora e 1500 na kasa ni yaqona, 1700 na mata ni dalo, oqo ena Uro ni Vonu kei na tausala, 1000 na tavioka kei na vudi.