Veitokoni ena makete ni teitei
Ko Ratu Josaia Nabukatavatava (yasana i mawi) kei na Minisita ni Teitei ko Dr Mahendra Reddy
MEREANI GONEDUA
ERA vakadeitaka na Momo na Tui Sabeto na nodra veitokoni ena maketetaki ni teitei ni tabana ni teitei ni matanitu se Agro Marketing Authority (AMA). Matataki koya mai na tacidra ko Ratu Josaia Nabukatavatava ka vakavinakataka ko Minisita ni Teitei, Dr Mahendra Reddy na yalo ni veitokoni.
“Keitou vakavinakataka na sasaga oqo ka vakavinakataka na Tui Sabeto ena nodra tokona mai na sasaga oqo,” kaya ko Minisita Reddy.
“Au gadreva meu solia na vakavinavinaka ni matanitu ena veitokoni oqo ena vukuni kena vakabulabulataki na teitei ena noda vanua.”
Sa sainitaki oqo na Tui Sabeto me tea e 6 na eka na duruka, tavioka kei na veimataqali tei eso ka mera na vukea na nodra maketetaki ka volitaki na AMA.
Vakaraitaka ko Minisita Reddy ni kena vinaka na dauteitei ka volivolitaka na nodra itei oya ni levu na itei era na tea na dauteitei ka sa na vukea na kena vakarautaki vakalevu na kakana teivaki ena makete ni volivolitaki. “Oqo edua na mataqali sabolo vinaka keitou sasaga taka tiko meda taukena ena noda vanua me baleta na teitei vaki ni qele ena kakana,” kaya ko Minisita.
“E sega ni gadreva na tabana ni teitei se na cakacaka ni teitei mo tamata kilaka vinaka se mo vuli vinaka se vakakoroi mai baleta ni cakacaka ni teitei e veiqaravi ni veiwekani ni tamata kei na vakayagataki ni qele.”
“Ena qai vakarautaki tikoga vei iko na kila ena gauna osa tomana tiko kina na nomu veiqaravi, ia imatai oya mo taleitaka tiko ka vakaibalebaletaka tiko.”
Kuria ko Minisita Dr Reddy ni vakilai na tubu ni teitei ena gauna ni COVID-19 ena gauna era sotakaya kina na veitabana eso vakabisinisi na tao se leqa ni vakacakacakataki tamata ka sega na vurevure ni ilavo dei me vukea na tamata yadua.