Dola na vale ni buli VCO e Batiki

MARAUTAKA na turaga na iliuliu ni Matanitu o Josaia Voreqe Bainimarama na igu ni caka bisinisi e kune vei iratou na itaukei ni Bula Batiki Company ena yanuyanu o Batiki e Lomaiviti.

“Sa kamarautakai vei au meu mai tiko e Bataiki edaidai meu mai soli na nomudou vale ni buli waiwai VCO kei na vale ni nasi vou e Batiki.”

“Na kabani na Bula Batiki sai vakaraitaki ni ka e rawa ni vakayacora na kai Viti. Sega ni tukuni mo tiko sara mai Suva se Lautoka mo rawata nomu itutu ni bisisnisi ena vuravaura levu. Na bisinisi oqo a tauvtaki ena yabaki 2017 mai vei kiemudou na koro e va ena tikina o Batiki – Mua, Yavu, Manuku kei Naigani – ena nodra volitakai waiwai niu iko kina kena makete mai Urope. Ni sa saulevu na makete dou sa kunera na makete mai Niusiladi. Au yalodei ni na levu tale na makete dou na kunea ena veiyabaki sa tu e matada,” kaya o PM Bainimarama.

“Au kila ni dou sa dau buli waiwai VCO tiko ena vale ni soqo e Yavu.Ia sa kena gauna me sa tara kina e dua na kena vale vinaka me tubu kina na bisinisi keina kena taqomaki me savasava ka tiko e cake na itagede ni waiwai e rawati kina ka galala vinaka kina naveiqaravi – me vaka sa mai dola tiko e daidai.”

“E na noqu itutu vakanomuni Paraiminisita, au doka vakalevu ni rawa vei kemuni na va na koro mo ni duavata ena buli ni Bula Batiki Virgin Coconut world ka volitaki yani kina na yasai vuravura kadua.”

“Na $75,000 e vakatubuilavotaka e ke na Tabana ni Teitei e yaga vinaka ka na saumi lesu tale mai vakavica vata ena levu ni ilavo dou na vuavuai kina ena bisinisi oqo,” kaya o PM Bainimarama.

“Keitou sega ni rawa ni cakacaka duadua.Ia keitou sa saga ma vakayacori.”

“Sa ka dokai vei au meu vakamatanitutaka na vale ni buli Virgin Coconut Oil vakakikina na dola ni solar power system baleta na nomudou Siteseni ni Nasi e Batiki.”

“Sa noqu vakanuinui levu – ka noqu vakabauta – ni oni na tubu ka vuavuai,” kaya o PM Bainimarama.