Uqeti na vakayagataki qele
ERA sa baci veivakauqeti tiko na tabana ni gone kei na qito vei ira na lewenivanua raraba mera vakayagataki qele vinaka ena gauna oqo me ra vakayagataka na qele era se sega tu ni teivaki ena gauna oqo.
Oqori na itatau nodra na Minisita Ni Tabagone kei na Qito Parveen Kumar Bala ena noda wavoki vakavisiko vei ira na soqosoqo ni tabagone ka vakakina na nodra koronivuli na tabagone ena Nasau, mai Sigatoka.
Vakaraitaka ko Minisita Bala na nodra vakavinaka veira na itaukei ni qele ena nodra solia nodra umaa qele mera teivaka na itabagone ena yasayasa oqo ena rai ni vakavureilavo kei na bisinisi.
“Na noqu minisitiri esa tuvaka voli ena kena kerei na qele vei ira na taukei ni qele mera vakayagataka na itabagone mera teivaka me baleta na kakana ka vakakina ena kena vakasaqarai edua na nodra vurevure ni ilavo. ”
Era ciqoma talega ena visiko na itabagone ena soqosoqo na Nakabuta kei na Naduri na nodra iyaya ni teitei, tavaya ni wainimate ni co, nodra isivi, mataiva ka vakakina na itei ni kakana draudrau.
“Era tukuna vei au ni bera nomuni ciqoma na veivuke oqo vakamatanitu era dau veivuke tu na itabagone vei ira na soqosoqo lotu ka vakaitavi ena sasamaki, qito kei na teitei me baleta na bula ni nodra vuvale.”
Oqo edua na ivakaraitaki vinaka vei ira na lewenivanua ka tukuna ko Minisita Bala ni vinaka mera tauvaka kece na lewenivanua ena noda vanua vakauasivi ena na itabagone.
Na Minisita Ni Tabagone kei na Qito Parveen Kumar kei ira na tabagone ena nona veisiko voli tiko e Nasau, Sigatoka.