Veitokoni ko PM ena sasaga ni Valenibula
SA vakatikori na liuliu ni Matanitu Paraiminisita Voreqe Bainimarama kei na marama watina ko Mary Bainimarama me rau sa petereni levu ni Sai Sanjeevan Children’s Heart Facility. E yaco na veivakatikori oqo ena soqo ni vakananumi ni ika va ni yabaki ni kena tauyavu na Sai Prema Foundation Fiji.
Era laki veisiko kina na liuliu ni matanitu ena valenibula ni uto nodra na gone ka tara tiko mai Muanikau. Na valenibula oqo ena vukea na sasaga ni matanitu ena noda vanua ena nodra raici vakavuniwai ka sele na gone tauvi ira na mate ni uto ena noda vanua ka vakatetei yani ena Pasivika.
Vakaraitaka ko Paraiminisita Bainimarama na nodra veitokoni kina sasaga nei Sai Prema
Foundation Fiji baleta ni vukea saraga na uto ni veiqaravi vakavuniwai ena tabana ni laurai ni gone tauvi ira na mate ni uto.
“Oqo edua na veiqaravi ni veivuke yaga kina na noda vanua baleti ira na gone era gadreva na raici vakavuniwai oqo,” kaya ko Paraiminisita Bainimarama.
Vakaraitaka ko Paraiminisita Bainimarama ni yavunilewa dina ni dua na vanua e sega ni baleta n aka e kerea vua na nodra matanitu me vakayacora ia ena veika era vakayacora na lewenivanua me vakavinakataka na veiqaravi taumada ni lewenivanua kei na laveti ni nodra bula ena nodra veitauriliga taka na veiqaravi kei na nodra matanitu ka vakakina vatakei ira vakaira.
“Na veiqaravi cakacaka sa vakayacoroa na matanitu kei na Sai Prema Foundation Fiji edua n aka vinaka ka ivakaraitaki vinaka ni ka e rawa ni vakayacori ena cakacaka vata ke vaka eda sasaga vata,” kaya ko PM Bainimarama.
Ko Viti era kaya na PM ni dua na vanua e kilai tani tu ni rad au bula ena veiqaravi ena cakacaka vata ena matanitu kei ira na soqosoqo ni lewenivanua ka vakaukauwataka na nodra vanua.
Vakaraitaka ko Sumeet Tappoo na daireketa ni Sai Prema Foundation Fiji ni sa mai dolava ka vakaduria e dua na valenivolavola ni veiqaravi vakavuniwai vou ni Yalosavasava se Sai Sanjeevani ena 2018, ka tara ena yabaki e tarava edua na imatai ni valenivolavola ni dikevi ni mate ni gacagacaga nodra gone ena Pasifika.
“Na valenivolavola ni veiqaravi vakavuniwai e Sai Sanjeevani e sa sivia na 12,000 na tamata era sa mai qaravi oti kina,” kaya ko Tappoo.