Gadrevi na bikeni kei na buoy kei na barge ena ikelekele ni waqa e Batiki

SA kerea na veivuke ni Matanitu ena veitalanoa kei na turaga na Paraiminisita Josaia Voreqe Bainimarama na Mata ni Tikina Vakaturaga o Batiki mai Lomaiviti o Tevita Vakatale na gacagaca me vukea nodra na ikelekele ni waqa e Batiki.

“Au kila ni matata vei kemuni na turaga na iliuliu ni Matanitu na ikelele ni waqa e Batiki qoka e dua na ikelekele ni waqa derdre duadua e Lomaiviti.”

“Keitou sa kerea turaga na iliuliu ni Matanitu mera vaka buoy mada na vanua era dau kele kina na waqa.”

“A caka tu e eliu sa mai yaliga yanai oya sa manu sega tale ni qai mai caka.”

“Ke rawa ni rau vaka buoy ga na daveta ga oqo Nakasava kei na daveta mai Naigani.”

“Me rawa nira lili ga kina na buoy baleta ni wqa nira kele talega vakaveitalia era vakacacana talega vakalevu na veikabula era tu e wai.”

“Ke rawa ni sa dua vata ga na vanua era kele ga kina na waqa.” Sa kerea talega na veivuke ni Matanitu o Mata ni Tikina o Batiki ke rawa ni vakabikeni vinaka talega mai na nodratou sala ni waqa ni yawa tiko na daveta me rawa ni vakabikeni vinaka ga mai me yaco mai vei ira.

“Me vaka ni dau qaravai keitou tiko na Franachise sa dua tuga na Franchise port ni neotou koro mai Yavu.”

Sa kerea talega o Mata ni Tikina o Batiki ke rawa ni dua na aluminiuma barge koya vakaidinicavu ga me vakarawarawataka ga na neimami kauta na kako mai vanua ki waqa.

“Ni waqa ra lako tu mai na gauna oqo dau levu sa kele yawa sara ga yani dau ririkotaki de qai qai dua na vakacalaka.”

“Vica na gauna sa sega ni usa rawa neitou kako keitou kerea na mataqali barge vakaoya.”

“Keitou vakavinavinaka vakalevu e Batiki ni golevi keitou tu mai ena veivula na waqa ni Franchise.”