Na Yaca ena ivola ainimarama
ivola ni sucu.
Kivei ira na marama era dau vakayagataka na yacadra na watidra
“E dodonu me kilai ni veika oqo ena sega ni la’ki veisautaka na yaca ka volai ena iVola ni Kawa Bula (VKB). Na vakacuru yaca ena VKB e duatani me vaka ni yaca e vakacurumi ena gauna ga era sucu kina. Ko ira na itubutubu era vakacuruma kina VKB na luvedra ni ra sa qai sucu, ia ni ra qase ka ra vakamautaki vakabibi kivei ira na marama, era sega ni vakayalia na nodra kaukauwa ena VKB ni ra vakayagataka na yaca ni watidra.
“O Ro Teimumu e yacana ena VKB na Ro Teimumu Vuikaba ia ni sa kacivi ena yaca na Ro Teimumu Kepa baleta na yacai koya na watina, na veisau ni yaca oqo e sega ni vakayalia na yacana ena VKB, se me vakayalia na kaukauwa ni nona volai ena VKB se me na vakayalia na nona kaukauwa ni taukeni qele ena mataqli nei tamana.”
Na lawatu na Births, Deaths and Marriages Registration (Amendment) Act 2021 sa na rawa kina vei ira na marama me ra volai ira na luvedra.
“E liu na tina ni gone ena rawa walega me volai na luvena kevaka e sa mate na watina, tauvimate, yali ka sega ni rawa me vola na gone sucu vou.
“Oqo e sa veivakaduiduitaki sara ga – mo vakasamataka me buketaka tu na gone me yacova ni vakasucuma qai sega ni rawa kivua me vola na gone vakavo ga ke sa sega ni rawa ni vola o tama ni gone. Sa sega sara ga ni vinaka vua na tina ni gone. Na veisau ni lawa oqo sa na kauta laivi na veivakaduiduitaki oqo ka sa na soli vua na kaukauwa nei tama ni gone me vakacuruma ena volai na gone.
“E tukuna e palimedi na mata ni ito ni Veisaqa o Anare Jale ni na rawa ni lasutaka o yalewa na tama ni gone ia e sega ni vakabauta na matanitu ni na rawa ni na lasutaka na marama na tama ni gone.
“Ke na mani yaco ka tukuna o tagane ni sega ni luvena, sa tu na veika me vakamuria na Tabana ni Bula (paternity test) me vakadeitaka na tama dina ni gone.”