Vakarau tekivu tale na vuli

Ni oti na kena kacivaki na rawati ni takete ni 80 na pasede ni icula na noda vanua era sa maqusa na Minisitiri ni Vuli ena noda vanua ena kena vakarau tekivutaki tale na vuli ni Yabaki ni vuli 12 kei na 13 se Fomu 6 kei na Fomu 7.

Oqori na tikina e vakaraitaka na

Minisita ni Vuli, Premila Kumar me vaka ni ra kalasi ni veitarogi levu. Kacivaka na Minisita ni ra tekivu vuli na gonevuli oqo ena imatai ni Noveba

E kaya o Minister Kumar; “Ena vakavakarau ni kena dolavi tale, au a sota kei ira taucoko na qasenivuli liu ni koronivuli, ka ra sa vakarautaka tu na nodra koronivuli me baleta na nodra lesu mai na gonevuli.

Au sa vakabibitaka ni ivakarau e vakarota tiko na Tabana ni Bula me muri vakadodonu e na sasaga ni nodra taqomaki tiko ga na gonevuli, qasenivuli kei ira na vakailesilesi ni veiqaravi.”

Na ivakamacala raraba ni Tabana ni Bula ni veikoronivuli sa vakau ki na veitikotiko raraba qasenivuli liu ni koronivuli kece.

E vakabibitaka talega o Minisita Kumar ni dodonu me dusimaki vei ira na gonevuli yabaki 12 kei na 13 na ulutaga sa vakavulici ena matanavotu kei na kena ena monalivaliva, kei na kena e gadrevi me tauri ena kena gauna donu me baleta na kena dikevi se makataki.’’

“Keitou na vakarautaki ira na qasenivuli veisosomitaki me baleti ira na qasenivuli sa yali e dua na qasenivuli ena vuku ni sega ni vakasulumi ni bera ni dolavi tale; kevaka e se bera ni caka.”

A vakadreti tale vei ira na qasenivuli liu o Minisita Kumar me ra taura matua na nodra itavi ka me ra vakarautaki ira vakavinaka na gonevuli me baleta na veitarogi ena mua ni Janueri 2022.