Buli na lawatu ni ivola ni sucu, ivola ni mate, ivola ni vakamau

VAKARAITAKA na Liuliu ni matanitu ena nodra vosa vakamacawa ena porokaramu ni Nai Lalakai ni sa bulia na matanitu edua na lawatu ni volani sucu, vola ni mate kei na vakamau.

“Keitou na bulia na lawa e veiganiti vei keda, mevaka na veisau e sa vakayacori ina Lawatu ni Veidigidigi 2021– na Electoral (Registration of Voters) (Amendment) (No.2), vaka kina na veisau ina Lawatu ni Volanisucu, Volanimate, kei na Vola ni Vakamau 2021 (Amendment),” kaya ko Paraiminisita Voreqe Bainimarama.

“E sega ni qaravi me vakalevutaki kina na buli lawa, se me vakalailaitaki kina na cakacaka qo. Ia, e vakarautaki me rawa nida maroroi vakavinaka kina.

“Keitou tomana tiko na neitou qaravi kemuni, ka vakarautaki na ituvatuva ena maroroi kemuni.”

Kuria okoya ni sasaga me vakadamuria na bula nei Eparama na tama ni vakabauta.

“Ena macawa sa oti, au a tekivu ena nona vosa na noda tama ni vakabauta o Eparama. E a sega ni beca na kaci ni Kalou ina nona bula, ka mani qarava na kena itavi,” kaya ko koya

“Vei au, au gadreva meu vakadadamuria na kaci ya – niu na vakacavara na veika au sa tekivutaka mai.

“Mevaka taki kemuni na lewenivanua, “a noqu uluvatu ko Jiova kei na noqu idrodro, kei na noqu ivakabula, a noqu Kalou, o koya na noqu kaukauwa, kau na vakararavi vua. A noqu isasabai kei na noqu kaukauwa, kau sa vakabulai kina, kei na noqu vale ni valu cecere.”

Kuria okoya ni da sa yacova na vanua eda tu kina nikua ena vuku ni noda cakacakavata. Vei keda na tamata vakabauta, eda yalodei ni na tuberi keda tiko ga na Kalou. Ena balavu na ilakolako qo. Ena so na gauna eda na tarabe. Ia eda na vuli mai kina ka toso tiko ga iliu.