Na Tuli Kuro ni Viti
E sa mai vakabulabulataki tale ni oti e 30 na yabaki
Eda kilai tani na kawa iTaukei ena noda itovo, ivalavala, na noda vosa, na keda kakana kei na veika eda dau vamareqeta ena veisiga. Nai tukuni kei na veika kece sara era dau vakamareqeta na noda qase mai liu e dodonu me da taura matua ka vakabulabulataka tiko.
Ia, ena macawa oqo era veibolei tiko na marama mai na koro o Nakoro ena tikina o Noikoro ena colo kei Navosa ena kena sa vakabulabulataki tale na tuli kuro ni Viti.
Esa oti oqo e 30 na yabaki na kena sega ni vakayacori tu na tuli kuro. E tukuni ni ra sa yali yani o ira na kena dau, ka sa sega ni dua e kila.
Ena vula sa oti, era gole yani ki Nakoro na Tabacakacaka iTaukei me ra lai kerea ke rawa ni vakabulabulataki na tuli kuro ni Viti me vaka ni ra dau kilai tani ga kina. Era sa qai vakadeitaka na lewe ni koro ni tiko e dua na marama o Kinisimere Diligo ka vakawati ena koro o Draubuta me lai kau mai me vakavulica tale na tuli kuro.
Esa yabaki 68 nikua ko Kinisimere. E kaya ena gauna ese gone kina e dau vakaraica voli tiko na marama na tinana ena gauna e dau tuli kuro kina. Ia, e qai dau tukuna vua ko tinana me kua ni cakava na tuli kuro baleta ni se gone lailai.
Ia, ena veigauna kece e dau vaka sarava tiko kina na cakacaka ni tuli kuro nei tinana, esa dau kasa tiko ga ena nona vakasama ka kila vinaka kece tu na matailailai ni tuli kuro.
Na gauna sa lai vakawati kina e ratou qai lai kerei koya na koro o Navatusila mai Navosa me lai tuli kuro kina. A qai lai kau sara mai na qele ni tuli kuro e Nakoro, ka dreketa na ose me yaco ki Navatusila, oya na gauna e se qai rua kina na luvena.
E se tu vinaka tu ena nona vakasama na ka kece e raica ni se gone ena gauna a lai tuli kuro kina e Navatusila.
“Ena noqu bula tiko mai me yacova mai qo, e dau mosita tiko na yaloqu ni sa sega ni caka tale tiko na tuli kuro. Au qai dau kerei koya na ganequ na turaga ni vanua mai Nakoro kau tautaunaka tiko mai vua ke rawa ni tekivu me vakabulabulataki
tale na tuli kuro, me vaka niu se bula tiko meu lai vakavulica.”
E marau o Kinisimere ni ratou a yaco donu mai na Tabacakacaka iTaukei ena kena vinakati me vakabulabulataki tale.
O Kinisimere kei Ilisabeta Ranadi o rau na rua na bula tiko ka se kila vinaka na tuli kuro.
Na ka e leqataki tiko, ni kevaka me rau sana yali na marama oqo mai Navosa, e sana oti saraga na kila ni tuli kuro vaka Viti. Esa sega tale ni dua vei ira na itaba era bula tiko ena gauna oqo me kila na tuli
TOMANI ENA DRAUNIPEPA 53