Dabe nai Liuliu Vou ni Kabani na Yatu Lau ena Vula ko Okosita
Esana dabe nai liuliu vou ni kabani na Yatu Latu ena vula ko Okosita. Oqo e vakadeitaka nai liuliu ni matabose ni kabani o Meli Saubulinayau ena bose vakayabaki ni kabani ena Studio 6 e nai ka 30 ni siga ni vula ko Jiune.
Me vaka na kena ivakarau e sa tabaki nai tutu ka sa soli tu na galala kivei ira era via taura na itutu mera vola yani na nodra ivola ni kerekere.
Na iliuliu vou e tukuna o Saubulinayau ni dodonu me cicivaka na kabani ka vakamuria nai tuvatuva sa biu oti tu.
Ni mai cava na yabaki vakailavo ni kabani ena 2021 eratou sa raica na mai dikeva nai tukutuku vakailavo ni kabani na Ernst & Young Chartered Accountants ni sa rawa na tubu kara sa na wase na voli sea tu ena kabani e rauta ni $54, 521.
Sa na wasei e 33 na pasede ena vula ko Jiulai ka 4 na pasede ena vula ko Tiseba.
E tukuna o Saubulinayau ni mai rawa tubu na kabani ena dua na gauna dredre e sotava na veimatanitu ena vuravura ka kauta mai na mate levu na COVID-19.
Ni vakayacori na sogosogo e Viti kei na veiyasai vuravura e mai vakila na rawa ilavo ni bisinisi ni kabani.
Sa tekivu tale tikoga na kena vakavinakataki na 11 na vale e taukena na kabani kina kena ivakatagedegede e gadreva na matanitu me kena kaukauwa me kua ni rawata e dua na cagilaba ka tiko na kena ivakatagedegede ena Category 5.
Mai na 11 na veivale e taukena na kabani e tukuni ni sa qai dua walega e sa soli kina na sitivikiti ni cagilaba.
DIGITAKI E TOLU NA DAIREKITA
Sa mai digitaki vou e tolu na dairekita ni kabani.
E lima na yaca e a vakaturi: o Bulou Gavidi Draunidalo, Tomu Finau, Viliame Leqa, Jiu Daunivalu kei Watisoni Nata.
Eratou sa digitaki o Bulou Draunidalo, Finau kei Leqa.
E vakaraitaka ko Leqa ni marautaka na nona sa digitaki, ia oqo e dua nai tavi bibi kivei iratou kece na sa digitaki.
O Bulou Draunidalo e dua tikoga na nona kabani ni veivakasalataki ka sa levu na vanua e vakaitavitaki koya kina. Na veika vakavuli
e rawata - Master of Information Technology University of Fiji, Master of Computing Science – University of the South Pacific, BSc Computer Science of Pune (India), CCNC, CompTIA N+, Certificate in Graphic Design kei na Certificate in Web Design.
Ko Finau, e manidia ni Vanuabalavu Vision kei na Mualevu Tikina Holdings ena gauna oqo.
Ko Leqa e taukena ka cicivaka tiko na bisinisi vakaitaukei.
E rau sa lutu o Watisoni Nata kei Jiu Daunivalu.
Ko iratou na digitaki oqo eratou sosomitaki Nata kei Daunivalu ni mai cava na nodrau gauna vata kei Noa Seru me vaka ni sa kerea
nona vakacegu.
E vakaraitaka na jemeni ni bose ni Yatu Lau Company Limited (YLCL) o Meli Saubulinayau ni ko iratou na dairekita ni kabani sa tu na bolebole kivei ratou me ratou na cicivaka na kabani kina dua tale nai vakatagedegede vou.
Ni mai cava na yabaki vakailavo ni kabani ena 2021 e ratou sa raica na mai dikeva nai tukutuku vakailavo ni kabani na Ernst & Young Chartered Accountants ni sa rawa na tubu kara sa na wase na voli sea tu ena kabani e rauta ni $54, 521.
Sa na wasei e 33 na pasede ena vula ko Jiulai ka 4 na pasede ena vula ko Tiseba.