Raica na Veika Vinaka, Didigidigi Vakayalomatua: Tui Nasolo

Esa veivakadeitaki tiko na turaga na Tui Nasolo ko Ratu Keperieli Naiseu vei ira na lewenivanua mera digidigi vakavinaka ka vakayalomatua.

Me vaka ni sa vo tiko e va na siga me na vakayacori kina na veidigidigi levu ena noda vanua, esa vakamamasu tiko ko Ratu Keperieli meda raica na veika vinaka sa vakayacora tiko mai na matanitu, ka guilecava na veika ena kauta mai na ca kei na tiko yavavala ena noda vanua.

Esa yabaki 65 ko Ratu Keperieli ka’ra liutaka tiko na yavusa ko Nasolo e Nailaga mai Ba.

E rua na mataqali e vakarurugi ena yavusa o Nasolo, oqo e wili kina na mataqali o Mota kei na mataqali o Navunirewa.

Era taura tale tiko ga na turaga na Tui Nasolo ena gauna oqo nai tutu vaka iliuliu ni Bose Vanua ena tikina ko Nailaga.

“Me da kua tale ni toso imuri, me da sa duavata me da toso tiko ga ki liu. Me da raica na veika vinaka esa vakayacora tiko na matanitu nikua ka meda cakacakataki keda kina.”

Ia, ena macawa sa oti, era marautaka tiko kina nai ka tini ni yabaki ni nodra buli mera taura na itutu vaka Tui Nasolo ena i ka rua ni siga ni vula ko Noveba ena yabaki 2012.

Tukuna ko Ratu Keperieli ni sega ni ka rawarawa na veiliutaki baleta ni tiko vata na kena itavi.

“Au dau sotava voli mai eso na dredre ena gauna a veiliutaki mai kina, ia au sega ni bau guce se tu vakasuka, ka yalodei ga ena noqu tomana tiko na veiqaravi ena vanua.”

Era vosa tale tiko ga vakabibi ena vuku ni veivakatoroicaketaki esa vakayacori tiko ena noda vanua. Ka’ra kaya ni sa toso sara tiko ga vakatotolo.

“Me da kua tale ni toso imuri, me da sa duavata me da toso tiko ga ki liu. Me da raica na veika vinaka esa vakayacora tiko na matanitu nikua ka meda cakacakataki keda kina.”

Esa solia nona vakanuinui na turaga na Tui Nasolo vei ira na lewenivanua mera na lai veidigidigi, ka mera cakacakavata ena kena vueti na vanua o Viti me dua na vanua vinaka ka sautu mai muri.

VEITOKONI NI VANUA

Tukuna o Kaliova Naio, ni totoka nona veiqaravi voli mai ena vanua o Ratu Keperieli ena loma ni 10 na yabaki.

Na nona veiqaravi, e kaya ni salavata kei na veivuke kei na veiqaravi e vakayacora tiko na matanitu ena gauna oqo.

“E dua na veivuke levu e cakava tiko na matanitu oqo kina loma ni matavuvale ka vaka kina ena vanua o Bukuya, ena nodra dela ni gauna ni veiliutaki na turaga na Tui Nasolo. Oqo ena vuku ni bula ni matavuvale, ena bula raraba, na bula ena loma ni yavusa. E levu sara na veivakatoroicaketaki esa vakayacori tiko.”

E kaya ko Kaliova ni tawani nai tutu vakavanua e taucoko ka vakaturagataki na noda tiko.

“Meda veitauriligataka vata na cakacaka ena kena rogoci na kaci ni vanua. Me da dau muria tiko

ga na gaunisala e dodonu E dina ga ni’da tamata, eso na gauna eda na druka ka malumalumu, kei na noda kilai keda ga vakataki keda.”

Tomana ka kaya o Kaliova ni’ra sa tu vakarau mera na tokoni Tui Nasolo ena gauna ni nona veiliutaki ena veiyabaki sa tu mai liu.

“Esa neimami masu na vanua o Nasolo ena kena masulaki tiko na nodra bula me vakararamataka tiko na Kalou me rawa ni ra qarava vinaka kina na itavi.”

Feedback: com.fj

Na turaga na Tui Nasolo ko Ratu Keperieli Naiseu kei ira na makubuna, na weka vaka dra kei na lewe ni yavusa o Nasolo era tiko rawa ena kena marautaki na vakananumi na yabaki tini ni nona taura na itutu oqo.