Tekivu Cici na Matanitu Vou nei Sitiveni Rabuka
Mai na lewe 29 ni Bose Lawa ni Matanitu, 19 era minisita ka 10 era ivukevuke ni minisita.
Sa mai matanitu vou na soqosoqo cokovata (coalition) na The People’s Alliance (PA), National Federation Party (NFP) kei na SODELPA.
Oqo ni oti na nona sa vakatulewa na SODELPA me solia na nona vei tokoni vei Sitiveni Rabuka, nai liuliu ni PA kei Professor Biman Prasad, nai liuliu ni NFP me rawa ni ratou vakaduria kina na matanitu vou me sosomitaka na FijiFirst. E na macawa oqo sara tekivu ena nodra vale ni volavola na minisita vou kei ira na nodrai vukevuke. E se qai matai ni gauna oqo mera vakaitavi kece na leweni Bose Lawa mai nai to ni Matanitu.
Mai Na lewe 29 ni Bose Lawa ni Matanitu, 19 era minisita ka 10 era ivukevuke ni minisita.
E tolu, Manoa Kamikamica, Professor Biman Prasad kei Viliame Gavoka eratou ivukevuke ni Paraiminisita.
A kaya na Paraiminisita o Sitiveni Rabuka nira vakaitavi kece na kena cicivaki na Matanitu.
E sa tiko nai tuvatuva me vakayacori na veisau ena i Matai ni 100 na Siga ena gauna eratou tekivu kina. Ena Siga ni kua sa vo e 97 na Siga me yaco kina na veisau oqo,
E wili kina na:
Boko laivi ni konitaraki (contract) vei ira na cakacaka vakamatanitu. Sega ni musu nai sau
Sogo na FICAC ka tokitaki kina dua na tabana e qarava na cakacaka vata e dau cakava Musu na kedra i sau na minisita ena dua nai katolu
Toso me 60 mai na yabaki 55 na yabaki ni vakacegu mai na cakacaka vakamatanitu
Boko laivi na dinau ni gone vuli ena vuli torocake (university & tertiary) ka vakatokai na TELS
Boko laivi se veisau na Lawa e vakalatilati ena bula ni tu galala kei na toso ki liu
Vakalesui tale mai na Bose Levu Vakaturaga
E kaya o Rabuka nina vakayacori na veisau ena dela ni veirogorogoci kei na loloma. Ena vakayacori tau mada na veivaqaqai me rawa ni laurai na ka e rawa ni vakadodonutaki.
Sa ra kidavaki ena macawa oqo o ira na minisita kei na nodra i vukevuke mai vei ira na tabana ni Matanitu era kina.