Vakarau o Cakaudrove
Esa nanamaki tiko na vanua vakaturaga o Cakaudrove ena soqo lagilagi ni Vakasenuqanuqa vua na turaga na Tui Cakau ko Ratu Naiqama Lalabalavu ena nodra sa mai cabeta nai tutu vaka Sivika ni Bose Lawa.
Na soqo oqo ena vakayacori tiko ena 10 na kaloko ena koro vakaturaga mai Somosomo, Taveuni ena siga Tusiti mai oqo na i ka 21 ni siga ni vula ko Maji, 2023.
Esa veivakadeitaki mai ko Ratu Jone Saumaibulu Lewenilovo ni ra sa vakavakarau tu na lewenivanua kei na 15 na Tikina ena loma ni yasana, ka namaki tiko me na rauta na 2000 kina 3000 na lewenivanua era na tiko ena soqo oqo. Ko Ratu Jone e liuliu ni Bose ni Yasana o Cakaudrove, ka taura se raica tale tiko ga vakawawa na vanua na gauna e dau yali kina na turaga na Tui Cakau.
E kaya nina vakayacori liu e dua na lotu ni se bera ni vakayacori na veiqaraqaravi kece vakavanua. Tukuna ko Ratu Jone ni sa oti oqo e 40 vakacaca na yabaki me qai vakayacori tale e dua na soqo levu vaka oqo ni oti na nodra mai bale ko Ratu Sir Penaia Kanatabatu Ganilau ka’ra taura tu mai nai tutu vaka Peresitedi ni noda vanua ena Tiseba ni yabaki 1987 me yacova na nodra mai bale ena yabaki 1993. Tomana ka kaya ni sa mai vakarogoi Cakaudrove tale nikua ko Ratu Naiqama, me isevu mai na nona loma ni koro vakaturaga ka vaka kina ena loma ni yasana me taura na itutu oqo.
“Keimami dokadokai keimami ka cibi ena nodra sa mai cabeta nai tutu oqo. Ena itukuni tu ni veigauna.”
E kaya ni dua na turaga bale e cabeta e dua nai tutu levu e dau vakayacori vua na Vakasenuqanuqa. Tomana ni levu sara vei ira na noda itabagone ena gauna oqo era sega tiko ni kila na cava na ‘vakasenuqanuqa’.
“Keimami sa vakavakarau vinaka
Na soqo oqo ena vakayacori tiko ena 10 na kaloko ena koro vakaturaga mai Somosomo, Taveuni ena siga Tusiti mai oqo na i ka 21 ni siga ni vula ko Maji, 2023.
tiko mai, baleta esa lokuci makawa tu na soqo oqo, ka levu na ka e vakatataotaka, ka sa mani vakadeitaki me vakayacori ena siga Tusiti.”
Tomana ka kaya ni siga talega oqo ena dua na gauna vinaka vei ira meraw mai sota vakaveiwekani ka vaka tikina.