Na Lau Ni Uvi
Na laulau e dua na cakacaka ni teitei ka dau vakayagataki me tei kina na uvi. E dau cavuti na vosavosa vaka Viti qo ni vakarau lai vakayacori na tei uvi. Oqo na veika era dau vakayacora mai liu na noda qase.
Ena noda veikoro vakaviti e bibi me da dau kila na teivaki ni kakana ni sa ikoya qo na vuni noda bula ena veisiga. Na uvi edua na kakana vakaviti era dau vakatoka na noda qase me kakana vakaturaga ka dau sevu talega ena vula ko Veverueri. Na laulau e dua na cakacaka ni teitei ka dau vakayagataki me tei kina na uvi. E dau cavuti na vosavosa vaka Viti qo ni vakarau lai vakayacori na tei uvi.
Oqo na veika era dau vakayacora na noda qase e liu ena noda veikoro vakaviti ka eda se vakamuria tiko ena gauna nikua. E duidui na vanua ka duidui tale ga na teitei ni uvi.
Ni vakarau tei se lau na uvi e dau digitaki na vanua me tei kina. Eso na vanua e bula vinaka ka so e sega sara.
Oqo na kena sagai me vua se vakalewe vinaka na uvi. E dau vakasavasavataki e liu na vanua sa laurai se sa digitaki me tei kina na uvi. Oqo me vaka na kena vakagalalataki na duka me vaka na soqosoqo, kau, waka ni kau, vatu kei na so tale na kau e rawa ni vakaleqa na kena tei na uvi.
Eso era dau vakama na vanua era nanuma me tei kina nodra veiloga ni uvi.
E tukuni ni qo e dua na sala rawarawa ni kena dau tei na uvi baleta ni vakasavasavataki kece vakadua na kau lelevu kei na so tale na ka e tu na vanua me lau kina na loga ni uvi.
Ni sa oti na sasamaki sa tekivu sara na kena lau na buke ni uvi. E sega ni cakacaka rawarawa na laulau ka sa taura ga na ligavata, cakacaka vata kei na solesolevaki eda dau kilai tani kina.
VAKATAUTAU
Ni sa oti na laulau eda sa na yacova yani na gauna ni vakatautau. Oqo na kena biu se tauvi na itei ena dela ni buke ni uvi.
E dau digitaki vinaka sara na itei ni se bera ni tei na uvi ka ni so e rawa ni mamaca se madu ka sega ni bula vinaka. E duidui tu na vanua kei na kena tei na uvi ena vei yasai Viti.
Eso e tei me vakalogana, eso e tei ena loma ni dramu, se qaloni ka so era dau vakayagataka eso tale na itei me vaka na kasa ni yaqona, kakana draudrau me vaka na vudi kei na jaina me kena yavoi me tei vata.
Oqo e dua na cakacaka ni teitei era dau vakayagataka na noda qase e liu e rawa nida vakamuria na gauna qo me taucoko kina na noda tiko vakavanua.
Feedback: com.fj
aselemo.tabuakacivil@fijisun.