Toso Vinaka na Bisinisi Senikau kei na Vanila

Ni’da tiko e na veikoro vakaviti, e vinaka me da vakayacora tiko eso na cakacaka me rawa ni vurevure ni bula kina noda vuvale.

Oqo na veika e vakaraitaka ko Alumita Matanikoro nai liuliu ni soqosoqo ni tei senikau mai na koro ko Naitutu, Namalata, Tailevu.

Na soqosoqo ni tei senikau oqo a tauyavu ena yabaki 2015, ka vakatokai tiko me ‘Elshadai Floriculture’. E sa vakamatanitutaki nai soqosoqo ka’ra lewena tiko e 10 na marama.

Na usutu levu ni soqosoqo oqo sai koya me kauti ira vata mai na marama ena loma ni koro.

E kaya ko Alumita ni tiko ga na nodra senikau ni soqosoqo ka tiko talega na senikau era dui teivaka marama ena nodra yasa ni vale. E levu na gauna era dau vakaitavi ena ‘Agriculture Show’ kei na ‘Women Expo’ ka levu sara na ka era lai raica ka vulica mai kina.

Na usutu levu ni soqosoqo oqo sai koya me kauti ira vata mai na marama ena loma ni koro.

Ni dua e via curuma nai soqosoqo oqo me sauma e $20 (membership fee).

E na macawa sa oti e matai ni gauna me ra volitaka kina e na taoni mai Korovou na nodra senikau ka ra raica ni toso vinaka sara na kena volitaki ni sotava saraga na nodra gagadre na dau volivoli.

SAU NI SENIKAU

E kaya ni tiko na isau ni tutu ni senikau e na $25 kina $40, ka vakatau e na duidui ni senikau kei na kena i vakarau.

Na ilavo e rawati mai e kaya ni ra dau maroroya, ka so na gauna e ra dau la’ki volia tale mai kina na nodra itutu ni senikau.

E tiko talega na nodra vanilla nai soqosoqo ka sa karua ni yabaki

qo na nodra volitaka tiko kina na makete. Na isau saraga ni vanilla e sa dau vakailavotaki ira tiko e na gauna qo.

E kaya ni isau ni vanilla e tiko e na $1 dua na tabana, ka so na gauna e ra dau tamusuka e udolu vakacaca na tabana me volitaki.

Sa nodra ituvatuva tiko e na loma ni yabaki mai qo me ra teivaka vakalevu na vanilla kei na senikau. E vakairaitaka ni levu ni levu na oga era dau sotava e nakoro esa veivuke kina tiko kina nai soqosoqo ni marama.

Sa nona ivakasala tiko ko Alumita vei ira na marama me ra teivakalevu na senikau ni oqo e rawa ni vukea na bula ni vuvale kei na veigagadre tale eso. com.fj

salaseini.guniyaga@fijisun.

Na vei mataqali senikau era volitaka tiko ena makete mai Korovou na soqosoqo ni volitaki senikau mai Naitutu, Namalata, Tailevu ka yacana tiko na Elshadai Floriculture.

Ko Soloseini Soqosoqotabua kei Sera Tuva ena teveli ni volitaki senikau mai Naitutu, Namalata, Tailevu ka yacana tiko na Elshadai Floriculture.

Nai liuliu ni soqosoqo na Elshadai Floriculture ko Alumita Matanikoro.