Marau ko Nabukebuke ena Veisiko ni Matabose
Na imatai ni nodra bose na manidia (senior management meeting) ena yabaki oqo e a vakayacori ena vanua o Nabukebuke ena koro vakaturaga o Veivatuloa ena i ka 9 ni siga ni Veverueri 2024.
E kaya na iliuliu vakavanua ka taura tiko na veiliutaki ena vanua o Nabukebuke ena gauna oqo o Iosefo Batinisavu ni sa: “Vakavinavinakataki na kena digitaki na vanua o Nabukebuke me mai qaravi kina na bose vakavula ni veiliutaki ka keimami marau na lewe ni koro ka vakanuinui tu ni na dua na bose vinaka ena mai vakayacori ena neitou dela ni soso”.
Sa dua na ka na nodra marau na lewenivanua vakauasivi ena itakitaki ni veisau ni Matabose ka dola kina na veitalanoa kei ira na lewenivanua ni oti bose.
E a mai talaucaki kina na kena sa sagai me ra sikovi tale mada na noda vei Turaga kei ira na noda Marama me vakavinakataki ka semati tale na veiwekani ni vanua o Nabukebuke kei na Matabose.
E kaya na turaga ni koro, Tuiverata Vunitabua: “Keimami vakavinavinakataka
Sa dua na ka na nodra marau na lewenivanua vakauasivi ena itakitaki ni veisau ni Matabose ka dola kina na veitalanoa kei ira na lewenivanua ni oti bose.
na cavuikalawa sa vakanamata ka sa veiqaravi tiko kina na matabose.
“Ena dua na gauna keimami sa nanuma ni sa cawadru vakadua vei keimami na veika keimami dau vakamareqeta, keimami sa nuidei ni na kau laivi na
yalo ni nuiqawaqaqa ena ivakamacala mai vua na Vunilewa Vakatawa o Solomoni Nata kei ira na veiliutaki ni veitabana duidui ena loma ni matabose. E salavata kei na neimami vakanuinui vinaka ena kena tomani tiko ga na cakacaka vinaka kei na kena vakavotukanataki na tatadra ni Matabose.”