‘Teivaka Vakalevu na Qele’
Meda teivaka vakalevu na qele ni tiko kina na ivurevure ni veika kecega e da vinakata.
Oqo na veika e vakaraitaka ko Eparama Navara e dua na dau teitei ka vakaygataka na qele me rawa i lavo kina.
E sa yabaki 50 ko Eparama Navara ka cavutu mai Nairukuruku, Matailobau, Naitasiri ka vakaitikotiko e Tacirua Heights e na gauna oqo. E vakawati ka rua na luvena cauravou ka dau vukei koya tiko e na volivolitaki.
A tekivu na nona vakayagataka na qele e na gauna a vakacegu mai kina e na ‘security’ e na 2019 mai na vale ni culacula e Vatuwaqa (Ranjit Garmen)t e na vuku ni a sega ni vakayagataka na icula ni COVID 19 e na gauna o ya.
E sa sega tale ni gole kina dua na vanua me lai cakacaka kina, a gole saraga mai vakadodonu ki vale me laki vakayagataka na qele. E vakaraitaka ni vaka ni ra tiko e na veikoro vakavavalagi e ra vakayagataka ga na dramu lala se na tavaya lala me teitei tiko kina e na nona yasani vale ga e Tacirua. Na qele e ratou tiko kina mai Tacirua e qele ni vanua mai Kalabu, ka ratou kerea ga me ratou na itaukei ni qele me ratou vakayagataka.
E ra dau teivaka kina na kaveti, long bean, kiukaba kei na so tale na kakana draudrau, ka’ra dau volivolitaki toka ga e na bati ni gaunisala e na nona yasani vale ka vakatalega kina ke levu sara e rau dau volivolitaki wavoki na luvedrau tagane e na so na gauna.
E na vuku ni nodrau dau volivolitaki tiko o ya, ka dua na turaga ni Idia ko Taufic Ali e dau volivoli vakalevu tiko vei iratou ka ma ni lomasoli me solia vei iratou e dua na tikini qele rua na eka me ratou vakayagataka me vaka ni sa sega tu ni vakayagataka ko koya.
E kaya ni ratou marau sara kina vakalevu, yacova mai qo e ratou sa vakayagataka na qele o ya ka ratou sa teitei tiko kina.
E ratou teivaka na veimataqali kakana draudrau me vaka na capsicum, baigani, kaveti ka vakakina na dalo, ginger, duruka tavioka,dalo
ni tana kei na voivoi me volitaki ka me vakayagataki talega e vale.
E ra bucina tale tikoga na soreni kau me volitaki me vaka na moli
kumquat, kavika,sosape kei na so tale ka volia kece mai vei na makete o Optier.
E vakaraitaka ni volitaki na nona intel ni bucibucini e tiko kece mai e na $1, ia na salary ga e tiko e na $10 dua na taqe lala ni ice cream, na kakana draudrau e tiko mai e na $2 dua na ivesu.
E kaya ni dua na gauna ni nona volivolitaki e rawa ni rawata toka e $100 kina $200, ka sa ilavo bula sara vei iratou me vaka ni cakacaka tiko vaka dau ni veiqaravi (housegirl) na marama na tinadratou e na vanua e Suva.
E kaya ni dredre ga e dau sotavi
sa i koya na kena dau draki ca na vanua ka dau vakaleqa na se’ ni kakana draudrau ka so na gauna e dau butakoci na veika e teivaka tu. Veivakasalataki tiko ko Eparama vei ira na dau teitei kei na tabagone ni sega ni dua na ka e dredre ka me ra cakacakataka na na qele me vaka ni tiko kina na ivurevure ni bula levu taudua, teitei vakaukauwa ka me da veisaurtaka talega na rai ni noda vakasama me rarama me da rawa ni valuta kina na bula dravudravua. com.fj