DOLAVI NI WAINIGUNU E NAKORO KO TUBAIRATA KEI MAVUA
Vola ko: Katarina Naqarase
E ra mai vulagi dokai nikua (06/03/24) ena kena laki dolavi na waini gunu savasava ena koro e rua o Tubairata kei Mavua na Minisita ka qarava na Tabana ni
Cakacaka Raraba, Tabana ni draki ka vaka kina na Veilakoyaki o Hon Ro Filipe
Tuisawau . E vakavinavinakataka o Hon Tuisawau ni veivakatorocaketaki oqo e dua nai nuinui kei na toso ka vakaraitaka na nodra yalodei ena kena sagai me vakavinakataki ka vakasavasavataki talega na wai ni gunu me baleti ira na lewenivanua. E na vi ca na yabaki sa oti e rua na koro oqo ko Tubairata kei Mavua e rau sotava sara tiko ga na leqa ni wai ni gunu. E ra ciqoma talega ni vakaso ni wai makawa esa sega ni veiraurau vata na nodra gagadre na lewenivanua, sa tubu caka nai wiliwili sa sega ni cakacaka vakavinaka talega na I vaka so ni wai.E na leqa oqori era sa vakasalataki kina na lewenivanua mera sana tawa medra wai ni gunu mai ena uciwai levu na Sigatoka River , ka rivarivabitaki nina vakavuna e so na mate.
E na siga nikua era sa mai vakadinadinataka na lewe ni koro e rua na kena sa mai dabe e rua na taqe lelevu , dua tale nai vakaso ni wai vou ka rawa ni vakagunuvi kina e 146 na vuvale.
Nai sau vakailavo ni veivakatorocaketaki oqo e rauta ni $592,000 ka duanaka e sasaga sara kina na matanitu me sotavi kina na nodra gagadre na lewenivanua. Na bibi ni veivakatorocaketaki oqo ena sega ni vakalevutaki , e vakarautaki ga ka rawa ni walia na leqa ni wai era sotava tiko na lewenivanua ka vaka kina na nodra tiko bulabula na veitikotiko.
Esa mai cava na dredre ni nomuni dau kau wai mai ena vanua yawa , ia ena gauna oqo sa rawarawa sara nisa rawa ni ra gunuva sarga na wai savasava ena mata ni nodra katuba.
E vakaraitaka talega na Turaga na Minisita na nodra vakavinavinaka cecekia vei ira na vakaitavi ena kena vakavotukanataki na sasaga oqo. Vei ratou na tabana ni wai ka ratou qarava sara nai tavi ena vuniyalodrartou mera vakacegui kina na lewenivanua.
E vakavinavinakataki ratou talega na Taviraki Civil Contructions ena nodratou veivuke ena cakacaka oqo.
Era mai vosa talega na Mata Ni Tikina o Mavua ena vuku ni veivakatorocaketaki ni koro e rua o Ifereimi Turukawa ni vakavinavinakataka na Matanitu ena vuku ni kena sa mai dola na wai, era waraka voli mai ena dua na gauna balavu, ea dodonu me tekivutaki na 2022 ka ra marau voli na lewenikoro ena kena sa mai cava ena yabaki oqo.
Levu talega na dredre era sotava me vaka na ualuvu koya e vakataotaka talega na nodra cakacaka. Vuqa na gauna era dau vakayagataka na bulumakau (qasita) ena kena usani mai na wai ena uciwai na Sigatoka me yaco ena nodra vale.
Sa vakavinavinakataka vakalevu ki na Matanitu ena vuku ni nodra bau nanumi ka wali na leqa era sotava vakauasivi ena nodra sa mai gunuva na wai savasava ena nodra matanikatuba.