SOLI VAKAILOLOMA NA ROTAVATOR ENA VATURUA YOUTH CLUB.

Era marau na lewe ni soqosooqo ni Tabagone ena Vaturua Youth Club e Vaturua Nakelo, Tailevu ena nodra mai ciqoma vakailoloma e dua na nodrav rotavator mai vua na Minisita ni Tabagone kei na Qito o Hon Jese Saukuru .

Ena nodra mai veisiko voli na turaga na Minisita ,era kena I sevu talega mera gole ena koro o Vaturua , ka dua na yalo marau levu vei ira nai tabagone ka vaka kina na leweni koro. E vakaraitaka o Mr Saukuru e ka dokai vua me mai liutaka na taba ni veiqaravi ni tabagone kei na qito, ka dua na ka e vakabibitaka sai koya nodra cavu I kalawa nai tabagone ena noda vanua.

E vakaraitaka talega o Minisita na bibi ni nodra I tavi nai tabagone enai tikotiko ka laurai ni oira e tiko na nodra yabaki ni bula mai na 15-35 e rauta ni 32% ena noda vanua. E vakadreti ira na lewe ni soqosoqo ni tabagone e Vaturua ni dodonu mera kaukuwa ena kena sagai na veivakatorocaketaki e na lomanikoro. E vakabibitaka na Minista na bibi ni kena laveti na bula ni veiqaravi ena nodra I tikoitko ka sa vakasala taki mera na vakayagataka vakavinaka na veiporokaramu kei nai tuvatuva kece sara e ratiou vakarautaka na Minisitiri ni Qito kei na Tabagone. Esa vakasalataki ira talega nai tabagone mera tekivu taka na nodra bisinisi ka na qai veivuke na kena tabana ena Minisitiri .

Era vosa talega nai Liuliu ni Tabagone e Vaturua o Emosi Rokoyawa , ka vakavinavainaka taka na turaga na Minisita ka vaka kina na Minisitiri ena vuku ni kena tokoni tiko mai na veiqaravi me baleti ira nai tabagone ka vakausivi na kena soli vakailoloma na Rotavator.

E ra sana tu vakarau na lewe ni tabagone ena Vaturua Youth Club ena kena vakayagataki vakavinaka na Rotavator ka sa vakanuinuin tu nina levu sara na veivakatorocaketraki ena nodra I tikotiko ka vaka kina na veivuke sara vakalevu na Minisitiri ni Tabagone kei na Qito.