VEIVAKARARAMTAKI ME BALETA NA VEIVAKATOROCAKETAKI ENA MATANITU O VITI.
Vola ko: Katarina Naqarase Esa tomani tiko ga na veivakararamataki Na Minisitiri ni Veika Vakailavo , Tuvanaki ni Tuvatuva , Veivakatorocaketaki ni Matanitu.(27th February, 2024) WASEWASE E LOMA
E na gauna ni veivosaki ena Wasewase e Loma, era vakamatatataka na lewenivanua ena Deepwater Farming ni leqa levu duadua e tara na vanua oqo e dravudravua na wai ni ka vakavuna na waluvu vakawasoma ka tara na nodra iteitei. Era sa kerea oti na lewenivanua na Matanitu ena kena vakavinakataka na gaunisala qereqere ena koro ka vaka talega eso na veivuke eratou gadreva mai vei ratou na Tabana Ni Teitei me baleta na kena vukei yani vei ira eso na sore ni kau, maniwa, ka vaka kina na kena vakau na nodra I voli ena makete. Na lewenivanua era vakaitikotiko e Korovou kei Ucunivanua e tu talega na nodra vakatutu ena vuku ni veivakatorocaketaki . Oqo e oka kina na nodra veiqaravi na Liga ni Lawa, na kena vakavinakataki nai yaya ni cakacaka, na waqa ka vaka na kena vakavinakataki na vale ni wawa basi. Dua talega naka era gadreva sai koya na kena vakavinakataki na wai ni gunu na kena caka na bai ni ua mena tarova na sisi ni qele , vakavinakataki ni tikotiko ni nasi kei na valeni wai ka vaka kina nai yaya ni vuli ena veikoronivuli. E ra gadreva talega na kena vakavinakataki na taban ni teitei ni oya sarga e dua nai vurevure levu ni lavo vei ira. E dua talega naka e ratou gadreva vakalevu na lewe ni koro o Nayavu na leqa ni veiqaravai ni tabana ni bula ka rartou gadreva talega e dua na vanua mena dau maroroi kina na yagodra era sa mate(morgue). E ra gadreva talega vakalevu na lewe ni koro sai koya na gaunisala ni tauri lavo me vaka na M Paisa kei na ATM, kena I kuri ni veika era gadreva sai koya na vakavinakataki ni gaunisal me na rawa nira taqomaki kina na gonevuli, vakalevutaki nai yaya ni veiqaravi ena tabana ni teitei, vakalesui lesu mai na koronivuli ni vuli tara me vaka ni levu na gonevuli era gole sara tiko mai Suva ki Rakiraki ena vuku ni vuli tara.
MUA IRA
E na Mua Ira ni noda vanua e dua na ka era gadreva sara tiko vakalevu na dau volivolitaki mai Ba kei Tavua sai koya na kauwai me baleta na leqa ni gaunisala, leqa talega ni salsala ni wai , na waluvu ka vaka kina na kena gadrevi na taba ni lawa me ratou wavoki voli mai ena makete. Oira na lewe ni koro e Vatua e sa kerekere kina matanitu ke rawa ni so na veivuke me baleti ira na marama kei ira na gone. E na vakaraitaka talega na kena toso cake tiko ga na Ualuvu ka vaka kina na sisi ni qele ka ra sa gadreva saka kina e dua na nodra I drodro (Evacuation Center). Dua na leqa lebvu e ratou kauta cake mai na lewe ni koro e Natanuku sai koya na kena sega ni taucoko na veiqaravi eso mai vei ira na tabana ni matanitu eso,ka ratou gadreva sak kina na kena vakavinakataki na medra wai I gunu, vakaduri na cina ena yasa ni gauinisala(streetlight) ka vaka kina na kena vakalevu taki na veivakararamataki vei ira na gone era sa biu vuli mai.
VUALIKU.
Levu sara na vakatutu e kau cake nikua ena vuku ni veivakararamataki , oqone oka kina kena laveti cake na veivakatorocaketaki kei nai walewale ni veilikutaki ena matanitu. E na gauna nikua e levu na veika e ratou sa vakaraitaka mai na lewenikoro e Vunivutu ena vuku ni veivakatorocaketakli kei na kena vakavinakataki na waini gunu, gaunisala ka se sega ga ni dua tale na kena veivakadeitaki take mai ena matanitu. Na kena in karua sai koya na kena vakavinakataki na valenibula, me vaka na valeniwai e Vunivutu e sega sara tuga ni vaak iyaya ni valenibula ka vaka talega kina ni 1 voliga na Nasi e veiqaravi raraba tiko enai tikoitiuko oya. Nai otioti ni veika e ratou gadreva sai koya ma kena vakavinakataki na gaunaisala ni veitaratara , ka sana qai laki tomani yani ena Bose Ni Tikina.