Treue zur Hoamat
Wos Hoamat is, mecht i eich deit’n, es is Verpflichtung aller Zeit’n.
Wos Hoamat is, des muaß ma spür’n, des muaß si inn’a wendi ria’n.
Es derf net nur sei, a oalter Brauch, des muaß weita leb’n, in uns auch. Drum is a armer Teifi, dem d’ Hoamat völlig gleich, nur der, der’s drinn im Herz’n tragt, der is wirkli’ reich.
Es schätzt sei Hoamat b’sonders der, der’s verlorn hot und find’s nimmer mehr. Drum ziagt’s dem, der sei Hoamat liabt alleweil wida hi, und wer des net im Leib verspürt, der begreift des Wörterl Heimat nie.