Schorsch und die gleiche Wirkung
ONEUES AUS SCHWABLANTIS Ig’frei woiss et, wias eich gat, aber I
mi immer, wenn I ebbes Nuis entdeck’ oder erleab. Wia jetzt zum Beischpiel a Vorrundaaus bei d’r Fuaßball-Weltmoischterschaft. Isch doch irgendwia au mal a interessanta Erfahrung. Net allaweil schea schpiela ond sich durch dia Achtel-, Viertel- und Halbfinals jubla wia sonscht allaweil. Des ko ja au jedr. Aber a’mal Gruppaletschter – a interessanta Erfahrung. Dau entdeckt ma ganz nuie Seita an sich selber und hert sich Wörter schreia, für dia ma seine Kinderla schimpfa miasst.
Des bringt mi auf a ganz anders Thema. I han nämlich et bloß dia poschtfuassball-weltmeischterschaftlicha Schreikrampfschtörung entdeckt, sondern au no a nuis Wort – und des fascht zeitgleich, immer in deana nixige Nachrichtasendunga in de Halbzeita von deane traumatische Schpiele. „Wirkungsgleich“lautet das Motto – also des Wort. Und ja, I ko’s beschtätiga – des Wort wirkt ähnlich wia so a Schpiel gega Südkorea. Es nervt. Der Horscht will ebbes und d’Kanzlere gibt eam ebbes anders, garniert mit dem Wort „wirkungsgleich“. Des hat dann au glei g’wirkt, und zwar in der Form, dass d’r Horscht sich aufgregt hat.
„Noi, noi, des isch gar net so richtig wirkungsgleich“, hat er nau wieder g’sagt. Und drauf hat sie dann eba mea g’sagt, dass des sei Entscheidung wär, wenn er des so seha wollt. Ihr wär des mehr oder weniger gleich. Hauptsach es wirkt.
Dia ganza Aktion war am End also wirkungsgleich mit d’r Taktik vom Jogi im Mexikoschpiel. Also desaschtrös, aber koi Grund zurückzumtreta. Weder bei d’r Kanzlere, beim Jogi oder beim Horscht.
In meiner Verzweiflung han I nau mein persönlicha „Maschterplan“entwicklat – nämlich drei Schnäps und sieba Halbe tronka. Und Leit, ihr werat’s mir net glauba: Dia Schnäps und des Bier warat irgendwia au „wirkungsgleich“! Ond am End au irgendwia desaschtrös. Aber no lang koi Grund für mi zurückzumtreata.
Also nau – bis zom nägschda Mal! Eier Schorsch
» Ein Video von Schorsch gibt es online guenzburger zeitung.de/schorsch Schorsch ist mit Süddeutschlands äl tester Boygroup 8872 am Samstag, 21. Juli, ab 20 Uhr im Schloss Burgau beim Kultursommer auf der Bühne. Dort wird auch der Song zu unserer Ko lumne uraufgeführt.