... bssst - bald isch wieder soweit!
Am Wochenende öffnet der Leederer Christkindlmarkt
Am kommenden Adventswochenende öffnet der beliebte Leederer Christkindlmarkt wieder seine Tore.
Wia schnell doch a Joahr vergoht ... 2017 warat no mehr Leit do, als im Joahr davor beim scheana Leederer Christkindlmarkt. So viel Besucher vo nah und fern sind komma und warat gern bei uns do. D’ Stimmung war ganz, ganz schea und gschnieba hots dann o no recht gscheid. Freind treffa, ratscha, lacha und sich auf Weihnächta gfreia.
Mit dr ganza Familie an deane Ständ vorbei bummla, no des oine und andre Gschenk für d heilige Nacht bsorga, alles ganz gmiatlich bei am scheana Jagertee, Glühwei und ebbas Guats zum Essa dazua. S’ gibt wieder viele, guate Sacha zum Essa für Alle – dies Joahr kommt alls direkt ausm Fuchstal und unsrer Gegnd. A roate Bratwurst mit Semml, a Baurawurst mit Semml oder a Steaksemml vom Ferdinand Wetzel vom Boardinghouse Hohenwart, deftig oder siaß gfüllte Crepes vom Café Maribelle aus Leeder, hausgmachte Pommes, a Kartoffelsuppa und Schupfnudla mit Kraut und Speck vo Theresas Landbistro aus Leeder, Kässpatza vo Friedi’s Käswerkstatt aus Frankenhofen. Und für dia, dia no was Siaß wollat gibt’s Waffln mit zwei verschiedene Soßa vom Krämooshof und do gibt’s dann au an Kaffee für alle dia Glühwein & Co. it so geara megat ... ganz gwieß isch wieder für alle ebas dabei.
Au bei deane Aussteller findat Ihr wieder liebevoll dekorierte Hüttn mit scheane Sacha, dia ma no guat an Weihnächta verschenka ka oder gwies für sich selber braucht.
An scheana Schmuck, an warma Schal oder a Kappa, an guada Schoklad, Kräuter und an Schnaps oder a Raumspray, Kaffee für dahoim ausm Allgäu, dia guata Nudla vom Kräsmooshof, an wärmenden Tee und alles, was ma halt so braucht um dia Jahreszeit, gell – schea werds mea! Kommt’s am dritten Adventswochenende nach Leeder ins scheane Fuchstal und lasst’s Eich verzaubern vo dera wunderbara Weihnachtsstimmung!
pm