Wiehnachtsboom mit twee ach
Wat för een’n moien Boom, de gifft wat her!“roppt Thomas sienen Sportkameraden to. „Stimmt. Wi, mehr mien Familje, ja, de leggt dor hellsch Weert up. De Grötte, jo nich spiddelig or dörlüftig, jüst so de Dannenoort, allns mot dor stimmen“klingt wat verdraten van Jörg. „Dat gung bi us jüst so to. Sind nu mal nich all Modells, bi de meisten Minschen is dat nix anners. Liekers steiht bi us al siet Johren een Oort Modell in de Wienachtsstuuv. Mit usen Wiehnachtsboom treckt wi ’n Vergliek mit Lüe, de nich mehr unner us sind,“kummt dat van Thomas. „Wi dat? Wi schall dat gahn?“stamert Jörg. Thomas smüstert, mal weer us Wiehnachtsboom lüttjet, doch rech kuppig, de düde up us vergnögte Tant Erni hen. Van lüttjet up an weern wi geern um ehr to. Een anner Johr, de grote, slanke, dörlüftig Boom düde up usen hagern Naver hen. Een best wussen stäwige Dannen, o ja, de dreep de Statur van Grootvadder Hinnerk. Süh, so weern männig Begeben un Situatschon miteens waak, of nu up vergnögte or nadenkern Oort. Se weern miteens unner us. Wiss, anners ok is, doch nu wietut mehr, jüst so de Lüe um ehr to. Een anner Tiet miteens waak, Bi us Kinner un Enkelkinner duukt männig Fraag up. Thomas is dor rein wat andächtig bi woorn. „Dat ward ik mi marken, tokamen Johr söök ik een Modell ut, de Vergliek gefallt mi“, smüstert Jörg, wünsch: „frohe Wiehnachten“streevt tofräen mit sienen Boom na de Verköper to.
Thomas slennert wieter dör de Dannenregen, vörbi an ’n groten riekelt dörlüftigen Boom, Tant Hilda schütt em dat so bi. Ja, se hett em vääl bibrocht, nich blos at Mestersche, ok dat he mit sien Handharmonika tregg keem. Foorns do an Hilligabend hett he versocht de moien Wiehnachtsleder mittospälen. In Gedanken hört he ehr Stimm: „Öben Thomas, öben, denn klingt dat best“. – Miteens stüürt he man so up eene best wussen Dannen to, de dreggt twee stäwig Spitzen, liekers, de kummt mit. Schall mi is needoon wo de Vergliek ditmal up rutloppt?
Vör Johrn, ok do droog us Wiehnachtsboom twee Spitzen. Us Kinner mitdes in her Diskereeröller. So leet sik to dat Modell vääl seggen. Dreep nich blos de Politiker, ok Verwandte un Bekannte hollen den Vergliek best stand. Bi düssen streevt nu de Spitzen in verscheden Richt.
Minschen ehr Stimm, ehr Doon liek in een Richt? Forns dorna flink in anner Richt? Bi männigen lockt de egen Vördeel.
Us Wiehnachtsboom mit tweefach Bedüden. PLATTDEUTSCH HOCHDEUTSCH