De Trekkpott, de een digitalen Filmstar is

Jichtenswann in 1974 hett Sandra Newell in Utah een Trekkpott för Tee köfft. Ehr Mann Martin Newell harr een Stee an de Universität van Utah un weer een Pioneer van de digitalen Grafiken. To de Tiet weer dat noch allens nich so wiet, as dat vandag is! Un he söchde een Modell, dat he animeren kunn. Dat schull nich to komplizeert ween, man ok nich to licht - un as se denn tosamen seten un een Tee drunken - dor hett sien Fro de Trekkpott vörslaan. Van dor an weer de Pott Deel van de digitale Geschicht. Een Bild van em weer de allererste 3D-Grafik. He weer allerbest egent dorför: konvexe un konkave Sieden, un de egen Griff maakt een Schatten op den Pott. Dat weer nicht to stur, man ok nich so eenfak. Düsse Pott keem van de Marke „Melitta“de denn laterhen updeelt wurrn is un wat Porzellan angeiht vandagen Friesland Porzellan heet. Un bi us in Freesland nu siet 60 Johren herstellt warrt! Dat hebbt de Lü aver ok erst 2017 rutfunnen. Dat is also een echten regionale Berühmtheet, düsse Teekann. Twüschen Computer-Grafikers is dat een „running gag“wurrn düsse Animation in Filme intoboon, umdat se so wichtig weer för de Entwickeln van 3D-Grafiken. To sehn is se to’n Bispill in Toy Story, Monster AG un ok in een Episood van de Simpsons. De Kann van de Newells steiht nu in’t Museum för Computers in Kalifornien, man ok in dat Computer Museum in Ollnborg is een to bekieken. Een