Rheinische Post Duesseldorf Meerbusch
Ene Teddy mäkt häppy
Häsde och letzde Woch en de RP jeläse, wä em Momäng em Trend litt? Ech wor jlatt von de Söck! Minne Teddy, dä Plüschbär us min Kengerziet es jrad sozesare en Renässangs am erläwe. Nit bloß Pänz so wie fröher, söndern hütt send och Erwacksene janz doll op dat Kuscheldier. Psyscholoresche Schlauköpp hannt erusklamüsert, woröm dat so es. So ‘ne Teddy em Ärm deht eenfach joot. Stress-on Angshormone jonnt flöck flöte, dat Jlöckshormon mäkt sech briet, on mr föhlt sech nimmieh alleen. En Studije hät erjäwe, dat de Lütt besser enschlofe könne, wenn dä Kuschelteddy treu met em Heiabett litt. Angere jlöwe, fest draan, dat dat Stoffdier Jlöck brengt. Natörlech sollt mr keenem op de Nas benge, dat mr sech von sinnem alde Teddy noch nit hät trenne könne. Et mäkt och nix, wenn von däm si Fell so joot wie nix mieh do es. Hauptsach mr föhlt sech wie domols, als mr ene kleene Stropp wor. Kooz on joot: Teddy es „in“! De Firma „Steiff Knopp em Ohr“hät natörlech trek Morjeloft jewittert. Lütt met vill aan de Fööß jönne sech jetz dat Luxus-Exemplar met Swarowski-Jlitzersteenches drop. Et jöwt och Sammler-Fäns die op Auktione för eschde historesche Teddys ohne met de Wimper zo zocke ene Hoope Moppe usjäwe noh däm Motto: Wat nix kost, dat es och nix. Hann ech nit minne Teddy von anno opjehowe en de Memory-Kest em Keller? Nix wie erop mem Kuschelbär! Met däm em Ärm falle de Oore flöck zo janz ohne Schlofpille. Odder meensde, mi Hezzblättche hält nix von enem Trio em Bett?
Monika Voss
Sprechstunde für Senioren
STADTBEZIRK 3 (nika) Die meisten Mitglieder des Seniorenrats bieten einmal im Monat einen Termin an, an dem ältere Menschen Rat und Auskunft bekommen. Eleonore Ibheis und Ulrich Schweitzer, die zuständig sind für den Stadtbezirk 3 (Oberbilk, Friedrichstadt, Bilk, Unterbilk, Hafen, Hamm, Volmerswerth, Flehe) haben keinen Termin festgelegt, sie sind frei erreichbar für Senioren aus dem Stadtbezirk 3, die etwas auf dem Herzen haben. Eleonore Ibheis hat die Mobilnummer 0178 6726664 und Ulrich Schweitzer die 1520755.