Rheinische Post – Düsseldorf Stadt
Hütt hammer Nickelausowend
Lommer e besske en Nostaljie schwelje! Häsde fröher als kleene Pänz och dat Leedche jesonge?
„Nickelaus, komm en ons Huus, pack de jroße Täsche us! Loss de Jroße loofe, se solle sech selws jet koofe!“
Wenn de dat Leed noch kenns, dann besde och sojet wie e Antikwietätche!
Fröher hät sech dä „hillije Mann“noch „LIVE“kicke losse, on mosst fies oppasse, dat et Pitterke nit jeroofe hät: „Woröm hät denn dä Nickelaus däm Öhm Jupp sin Schoh aan?“
Dann mosst dä kleene Schäng däm Nickelaus eesch emol e Jedecht opsare, on dann wohd us däm jüldene Book vörjeläse, wat so’ne Pänz op’m Kerwholz hatt!
Do kroch manch Bangezibbel et Ziddere en de Knie on hatt fies Schiss, met de Rut verkamesölt odder sojah en däm Hans Muff sinne Sack erinjedeut zo wähde.
Joot, dat mer met däm pädajoresche Kwatsch hütt nix mieh am Hoot hannt! Ärm Ströppkes verklöppe on Angs make? Dat wor jo Kengermisshandlong pur!
So Ziede send Jottseidank vörbei! Doch och hütt stelle ons Kids wie emmer noch jähn ehr Stiwwele (en Schoh on Schlüppkes jeht jo nix erin) vör de Dör, domet dä Sänta Claus jet Leckeres erinschmieße kann.
Dä pädajoresche Effeckt – henge eröm mem Höhnerkläuke – es dobei, dat de Mamm ehr Ströpp ohne Knöttere aan et Schohpotze kritt.
Äppele on Nöss send natörlech hütt nimmieh „in“.
Kids von hütt, et Sarah-chiara on dä Leon-kevin, verkimmele leewer Schockelad, Speckelazijus on Marzepanähdähpelkes.
Ons Papp, Mannslütt send manchmol wie Kenger, stellt alle Johr widder sin Xl-wanderstiwwele vör de Dör on freut sech hütt schon, dat hä am angere Morje en jroße Blos met Whiskytrüffel em Stiwwel hät.
Monika Voss