Rheinische Post – Düsseldorf Stadt
Sonndaach för de Mamm
lle Johr widder em Mai hät
Mamm ene Extra-fierdaach för sech alleen. Janz offiziäll hät se emol nix zo donn on kann sech rongkeröm verwöhne losse. Dat hät se sech och mieh wie verdeent. 364 Daach em Johr – dä Sonndaach morje afjetrocke – deht se sech afbrassele för de janze Famillich, eesch emol för de Pänz, inclusiewe Omma on Oppa, dann för Hongk on Hamster, on nit zo verjesse natörlech för dä leewe Papp!
Manchmol süht so'n Reihefolch och angers us. Äwer morje brucht de Mamm för nix parat zo stonn, kann Federkes en de Loft blose, Home-wellness met Chille en de Badebütt make on sech op de Home-bjutty-farm erömräkele. Morje es nix wie Sonnesching aanjesaht, so kann se sech am Nohmeddaach em Leejestohl op de Terrass em Jahde en leckere Mallorca-färw aanbrassele. En de Kösch hät se för eene Daach nix zo söhke. För profane Brasselei send am Sonndaach Pänz on Papp zoständech. Kleen-kevin on Laura-marie brenge de Mamm dat Fröhstöck trek aan et Heiabett, noh däm Motto „Dat schönnsde Jeschenk es selwsjemaht“.
Dä Schlabberkaffee es zom Dörchkicke dönn on dat steenhatte Fröhstöcksei es e Jedecht op de Zong. Och dä Papp litt voll on janz em Selwermake-trend. Stolz wie sibbe Spanijer es hä am säusele: „Öwerraschong! Liebelein, hütt koch ech för dech dat Festdaachsmenüh!“Drop meent de Mamm janz drüch: „ Och enä, din Kochkönst kenn ech! Ech hann och en Öwerraschong för dech on bei minnem Favoritte-italjäner „Puccini-avanti“e Drei-jäng-menüh bestellt. Du moss dat kulinaresche Highlight bloß noch selwer afhole, Schatzemann!“