Ei on Ei es nit datselwe

Jedem dat Sinne! Dat hannt schonn de alde Römers jesaht: Suum cuique! Jetz besde am staune, dat ech nit bloß Platt kann! Hädden de alde Römers ons Platt jekonnt, dann hädden se jesaht: Jede Jeck es angers. On jede Jeck well och e anger Ei. On domet ben ech jetz beem Thema! Ei on Ei es noch lang nit datselwe. Noh däm Motto moss mr jedes Johr hen on her simoleere, wenn mr för de Famillich dä Osterhas speele moss. Nu hät mr morje dat Jedöns met de Ostereier am Been, on moss oppasse, dat mr för jedem us de Famillich dat passende Ei parat hät, söns kann mr sech de Ostersonndaachsstemmong aan dr Hoot stecke. Wie jesaht: Jede Jeck es angers! Dä Papp verkimmelt jähn Eier us donkele Schockelad met Whiskyföllong, äwer noch nit zom Fröhstöck. Do jenöcht ehm e Speejelei met Speck! De Mamm kloppt sech morjens bloß e pink-lilla vom Rotzech bemolt Fröhstöcksei op, lecker steenhatt on kallorijeärm, denn se es emmer noch dobei, sech widder en Mannekängfijur aanzobrassele. Äwer nohmeddaachs jönnt se sech dann Mini-Ei hohl met nix dren. De Omma hammer e Kawenzmanns-Present-Ei met en dekoratiewe Schlöpp dröm drusse on Eierlikörföllong drenne us de Kö-Konfiserie trek ennet Senjore-Stifft schicke losse. Denne Pänz send so Eier-Variazzjohne piepejal. Hauptsach, se hannt bei de Söhkerei em Jahde ene janze Hoope jefonge, kleene, dicke, bont on söß. Spädesdens am Nohmeddaach kühmt Kleen-Kevin on et Chiara-Leonie öwer Buckping, weil se dat janze söße Züsch op eemol hannt verkimmele mösse. Ech wönsch üsch hütt schonn emol vill Verjnöje beem Söhke, Fenge on Verkimmele von ejal, wat för enem Ei! E lecker Osterfest!

Monika Voss