Sahara-Sommer rongkeröm

Leck mech en de Täsch, wat hammer för e Wähder! Öm ons eröm öwerall nix wie Aapehetz! Wat hät eejenslech so’ne Aap met Hetz zo donn? Em Urwald odder em Zoo süht mr de ärm Aape bloß emmer em Schadde hocke, weil se sech nit jähn et Fell verbrenne losse. Jenau dat sommer am besde em Momäng och nit donn.

Bloß nit sech en de Sonn knalle, öm en leckere Schockeladefärw zo kreeje. So’n Bjutti duurt sowieso nit ewech. Am Äng em Alder kritt mr de Kwittong on hät en Huut wie ene schrumpelije Appel. Nä, janz ehrlech, dat Sahara-Wähder kann mech enzwesche jeklaut bliewe! Drissejal wo mr es, em Bürro, em Lade, em Huus odder Jahde bloß kin Bewäjong met Kawuppdesch so wie söns.

Nä, leewer janz höhsch on piano! Kin Oupen-Ähr-Wulackerei em Jahde, domet mr sech kinne Hetzschlach odder Ozon-Maläste aan dä Liew brasselt. Apropos Maläste! Och en Sommerjripp häsde flöck am Hals, wennde din Ähr-Condischen em Bürro op volle Pull stells.

Öwer Daach sommer jo bei so Temperatürkes vill drenke, also fies fad Wasser odder jesond-jröne Tee, äwer ene coole Drink eesch owends verkasematuckele, wenn de Sonn am ongerjonn es. Ejal wie dinne „Sundowner“och heeß, för e lecker Dröppke von de Düssel odder ene süffije ieskalde Rosado us Andalusije, wo et och emmer verdammp heeß es, säht mr jähn am Owend: Prösterke! On dann äwer met Schmackes, dann kammer nemmech nachts prima schlope, och bei Aapehetz!