Düsseldorf löpt

Morje hammer hee aan de Düssel widder Marathon op’m Projramm stonn. Drusse kannsde dech koom kicke losse, ohne metzomake. Entweder besde och op flöcke Fööß met dobei odder du stehs am Stroßerangk on dehs denne Sportskanone applodeere, domet se bes am Äng dörchhalde.

Jrad hann ech en de Historije e besske erömjekrost, woher dat janze Jedöns met däm Marathon kütt. En de Antieke, 490 v. Chr., woren de alde Jreeche sech emol met de Perser fies am verkamesöle.

Nohdäm se de Schlacht bei Marathon jewonne hadden, soll ene ärme Doll so öm de 4o Kilometers eröm bes noh Athen jerannt sin, öm för janz stolz denne Athener vom Seech zo verzälle. Dann es hä fix on fähdech von sin Ambrahsch dod zosammejebroche, wie 600 Johr späder dä alde Plutarch schwazz op wiss opjeschreewe hät on ons jlöwe make well.

So Mäuzke kannsde nu jlöwe odder nit. Hütt löpt jo so’n Sportskanon sozesare us de lamäng emol äwe met lenks so’n Streck, ohne am Äng ennet Jras zo bieße. De Schlacht von Marathon on de Looperei hät mr nit verjesse könne. 1896 hät et en Athen bei de Olympijad zom eeschde Mol ene Marathonloop bloß för Mannslütt jejäwe, on 1984 en Los Angeles durfden och Fraue zeije, dat se jenau eso flöck op de Fööß sin könne wie Männer.

Enzwesche brucht mr kin Olympijad mieh, öm för ene Marathon op de Been zo stelle. Et jöwt koom noch Stadt odder Städtche ohne so’n Looperei. Prima es och, dat hee bei ons morje Jroß on Kleen, Alt on Jong erömjöckt! Äwer dat moss jo och so sin, sietdäm dä OB ons als Sportstadt op si Fähnche jeschreewe hät.

Monika Voss