„Dernier cri“för de Fööß

Dä Düsseldorwer deht sech jo jähn modesch opbrassele, on dat von Kopp bes Fooß. Dröm moss hä natörlech em Sommer dä „dernier cri“, pardong, dä letzde Schrei och aan de Fööß hann. Sommer es Sandale-Säsong, on die nit bloß för Frollütt. Nä, och Mannslütt von hütt hannt sech emanzepeert on wolle ehr Fööß bei Hetz nimmieh en jeschlossene Schoh schwetze losse. Dobei moss äwer dä Manes-Renee och de Söck fottlosse, wenn hä en sin Sandale en „bella fijura“make well. Och wenn hä leewer elejante Citty-Slippers mem Plömmelche drop aantreckt, mösse de Söck em Schrank bliewe, wenn hä nit wie e Landei op de Kö erömloope well. Mer Frollütt hannt natörlech dat Probläm met de Söck nit am Been. Doför donnt sech ons janz angere Frore stelle: Wat för Sandale trecke mer aan? Dat platte Buuretrina-Berkestock-Modell odder rösije Prommi-High-Heels? Prima stondelang loope met strammeSchampusfläsche-Wade odder erömstöckele op Wolkekratzerafsätz, die filijrane Been on ene schlanke Fooß make? Dies Johr hannt sech de Modezampanos för Sommersandale ene Kompromiss enfalle losse. Dä sojenannde „dernier cri“es onge dronger en dicke wisse Sohl, öm för joot zo loope on owe dröwer ene Hoope silwerne odder jüldene Reemches för de Optick. Ech ben jrad dä Ferijekoffer am packe: För mech 3 Paar Sandalettches on för mi Hezzblättche sin Trekkingsandale met 3 Paar Söck, domet dä Wandervorel kin Blose aan sin sensibele Mimosefööß kritt.