Terrass em Trend
Hät mr dat Jlöck, en Düsseldorf zo wohne, kütt mr nit draan vörbei zo jlöwe, jede Trend metzomake. De Werbong för Outdoor-Ambijänte on Terrassemöblemang hät ons schonn siet Woche raderdoll jemaht: „Terrass on Trends för Best-Ager“. Do föhlt mr sech doch jähn direktemang aanjesproche. ( Kannsde ki Englesch, besde fein erus, on dä Trend jeht jlatt aan dech vörbei ). En däm Outdoor-Livingroom hammer jetz sojenannde Day-Beds stonn, öm för drop zo chille on Schalesessel, die kin Röggeping make. Noh dem Motto „stylisch-variabel“kannsde us enem Hocker flöck ene Butler-Tray make. Besde zo fuul vom DayBed opzohöppe, lösst sech dä Sonnescherm lässech mem Fooß bedeene. Wat de Färw vom Polsterjedöns aanjeht, moss alles dezent jries, also muusjries odder steenjries sin. „Less is more“wie dä vörnähme Britte säht. Bloß de Kisse, Lampe on Jläser dörfe en Pink, Jrasjrön odder Azurblau för Färwtuppe sorje. Dat Highlight, dat i-Tüppelche för mech es dä Lotus-Effekt von däm janze Polsterjedöns. Räjedroppe solle trek afperle, säht de Werbong. Prima, do bruch ech nimmieh hecktesch opzohöppe, öm beem Platzräje de Polstere erinzohole. Nä, wie wonderful Ech weeß janit, wie mer et fröher stundelang op onjemötleche Klappstöhl on en waggelije Hollywood-Schaukel op de Terrass hannt ushalde könne! P.s.: Jetz moss ech bloß noch minnem Best-Ager Sommerklamotte aandriehe, die stylish em Trend leere.
Söns darf dä sech in min Polsterlandschafft nit kicke losse.