Fröhleng kütt nit alleen

Alle Johr widder wenn dr Fröhleng kütt, jeht et widder loss. All mösse se usschwärme, die sech em Wenter zohuus versteckt hannt. Wä Been hät, deut sech jetz jähn em schönnsde Sonnesching en Wald on Wies erin. Zweibeener op Zweiräder jöcke nu wie jeck em Jröne eröm, am leewsde rösech-flöck on jrell aanjetrocke. Dat Outfitt es prima, denn so kannsde se schonn von janz wiet joot kicke. So’n pink odder lilla Radlerbux, spack wie en Wooschpell, mäkt schonn von alleen trek aerodünamesch on rasant. Wä söns nit en de Jäng kütt, deht jetz mem Lenker en de Häng, Pedale onger de Fööß on Saddel onger’m Föttche drööme vom jähle Tuhr-deFrangs-Trickoh. Besde drusse jemötlech als Fooßjänger-Usloofmodell noch am eröm flaneere, mossde fies oppasse on op alles jefasst sin. Langs däm Rhing op’m Damm noh Kieschwäth kannsde flöck en de Wies höppe, wenn so’n janze Bajahsch von Radfahrers am eraanfletze es. Losse mer äwe däm Rhing lenks leeje on jonnt em Aaper Wald spazeere. Äwer och do mossde din Oore öwerall on besönders henger dech hann. Montainbikers donnt sech ene artestesche Deu aan, demonstreere, wat se för Konsstöckskes op’m Rad drop hannt on jöcke öwer Stock on Steen. Nu kannsde applodeere on flöck Platz make odder dech ärjere, woröm du bloß per pedes ongerwäjens bes.

Ech hol jetz mi E-Bike ussem Keller erop, jöck met Schmackes langs däm Rhing bes noh Witlaer, on dann könne emol angere för mech op Sitt höppe. Adschüss, ech ben jetz fott mem Rädche!