Jedöns on Jaudi

Woröm solle denn bloß de Bajuware op de Theresije-Wies e Fass opmake, öm för ehr lejendär Ocktoberfest zo fiere? Wat de Lütt do onge aan de Isar op de Been stelle, dat könne mer hee aan de Düssel doch als lang! Do dommer nit lang erömfackele on losse jähn emol widder Post afjonn.

Also, aufi geht’s, oagezappt is! Wat eso vill heeß wie: Loss jonn, dat Fass es op! Dies Woch kannsde hee öwerall ons rheinesch-bajuwaresch Ocktoberfest erläwe, äwer met Schmackes - dat es rheinesch - on met Schmankerl - dat es bajuwaresch. Dat Wies’n-Jedöns deht alle Johr widder wie en Well von de Isar bes hee nohm Rhing eraanrolle, on ons schlaue Jeschäffslütt höppe direktemang jähn met en dat bajuwaresche Böötche. Wohen mr kickt, nix wie Wies’nJaudi!

Em Restorang kannsde dech knusprije Hax’n on Wies’n-Wööschkes verkimmele on en de Kneip kippsde statt Schumacher jetz Paulaner on statt Röggelche käusde op’m enem Brez’n eröm. Wellsde dech zohuus ene Ocktoberfest-Deu aandonn, mossde op alle Fäll met wissblaue Jirlande on Ballongs för dat passende Ambijänte sorje.

Ohne Trachteklamotte löpt natörlech janix, janz ejal ob zohuus odder drusse. Jrad hann ech jeläse, dat am Rhing en de Kasematte jede Daach dat schönnsde Outfitt prämeert wähde soll. Direktemang moss ech mech jetz en mi Brechtesjadener-Dirndl schmieße, on minne Charly-Drickes moss hütt Owend sin Krachläder-Bermuda (fröher Seppl-Bux) met de wärme Waderl-Strömp aantrecke. Bloß jäje dat Filzhöötche mem Jamsbaht draan deht hä protesteere.