Nächsde Woch es Valentin

Häsde dech noch nit von däm Valentin-Jedöns rongkeröm aanstecke losse? Dann mak äwer flöck emol vöraan! Nit bloß en de Medije deht dech öwerall dä Valentinsdaach en de Oore höppe, och rongkeröm en Koofhüüser, Buticke on Restorangs wittere de Jeschäffslütt Morjeloft onkloppe de Werbetrommel op Düwel komm erus, bzw. Euro komm erin.Wie säht mr bloß sinnem Hezzblättche, dat mr emmer noch janz doll op däm es? Nä, e Bützke alleen deht et nit! Hütt moss mr doch lecker klotze on jet sprenge losse. Ene Kawenzmannsblomestruuß passt emmer (rode Rose, kin Primelkes!) odder ‘ne Pahföngflakong mem erotesche Rüsch kütt joot aan, ene Brilli em Hezzformat säht alles ohne Wöhd, on met en Kuschelrock- CD litt mr selde verkehrt. För et Liebche soll eenem jo eejenslech nix zo düer sin. Dat Kändellaitdinner em Nobelrestorang es natörlech nit zo toppe. Roseblättches op de Servi- ett, Kähze op’m Desch on op’m Piano, on dä Musikus speelt met vill Jeföhl dä janze Owend bloß Schmalz- on Schmustürelür. Wenn dech dann et Hezz nit opjeht, moss et us Jranit sin!

Nu ben ech am hen on her simoleere, wie ech minnem CharlyDrickes mem Florett on nit mem Holzhammer deue kann, datte mi Een on Alles es. Nä, koofe well ech för ehm nix, op dä janze Valentins-Konsum-Bohei fall ech nit erin! Äwer so’n kleene Annongs en de Ziedong zo fenge am Donnersdaachmorje beem Fröhstöck künnt ehm doch och jlatt us de Schluppe haue, meensde nit? „För minne eenzije Knuddelbär von sinnem Schnuckelschneckelche!“Dat esset doch! Janz annonüm on för janz Düsseldorf zo läse!