Flora on Fauna

Nit datte nu denks, ech wöhd dech met en de Natur nähme! Nä, et jeht jetz ennet Freibad odder odder nohm Strand. Rongkeröm Badebüxkes, rösije Bikinis, brawe Badeaanzöch on op de näckelije Huut ene Hoope von Tatoos. Nä, wat moss mr sech do för Jemälde aankicke! Flora on Fauna op Scholdere, Ärm, Rögge, Been on angere Körperdeele. Öm sech so’ne Hammerhai op’m Liev tätoweere zo losse, moss mr schonn ene Kawenzmannskähl sin, denn op enem Rebbejestell es janit jenoch Platz för dat Dier. Och en XXL- Boa kann sech bloß rengele op Männerärm met enem Pöngel Maue(dat send Muckis) drop. Jrad kunnt ech mech noch ene dolle Drache aankicke, dä op en Schampusfläschewade von enem staatse Muskelmann Füer am speue wor. Brehms Dierläwe op de Huut von enem Mannsbeld! Dat hät jet! Minne Charly-Drickes künnt sech joot ons Löw met Dubbelstähz on Anker en de Prank tätoweere losse, äwer sinne Adoniskörper well hä sech nit verschängeleere losse. Frollütt dojäje stonnt mieh op romantesche Flora! So en Orchidee op däm Treske-Tatjana sin Scholder odder e erotesch Röske op sinnem Dekolletee, lösst doch däm Sven-Döres direktemang ennet Drööme komme! Apropos Röske! Do fällt mech dä alde Karnevalshitt us Kölle en: „Wä hät mech de Ros op et Föttche tätoweert?“Däm Täter soll mr bes hütt nit jefonge hann. Wat mech aanjeht, well ech ki Blömke ejal wo hann, villeech ene Minni-Radschläjer op de Scholder, domet de Lütt trek wesse, dat ech e Mädche von de Düssel ben.

Monika Voss