Schille iwwers Indernedd!

KOLUMNE SAARMÒÒ

Mier reeschele in der Firma alles middem Kombjuuder. E gudd Sach! Gehd ebbes schief, heischd: „Mier hann e Fähler im Kombjuuder!“Dò kann mer ääwe niggs mache! Frieher hadd mer schummò gesaad: „Ei de Lehrbuub hadds versiebd!“Dò iss der aarm Kerl gleisch aangeschiss genn. Jeddse awwer iss alles besser: Aam Enn isses de Kombjuuder odder es Indernedd gewään. Gääds das nidd genn, gäng mer schille, dasses so ebbes nidd gebbd. Isses jeddse dò, duud mer meggere, dasses nidd rischidsch funggsjenierd.

Leddschdens hadd ääner aangeruuf unn gemennd, mer hädde es Falsche geliwwerd. Hann isch gesaad: „Erschd mò hann mier e Kombjuuder unn der machd kää Fähler unn dswäddens muss mer sisch mid der i-Määl beschwääre unn nidd so iwwers Dellefoon.“Seid mier Indernedd hann, gebbd bei uns nuur noch iwwer Määls kommeniddsierd. Saa däär, er hädd kää Indernedd. „Kannschde mò siehn!“, hann isch dsem Kolleesch gesaad, „kää Indernedd, awwer digge Bagge mache, so Leid hadd mer gääre.“

Vòòrischd Wuch hann mier de Kombjuuder aach noch aans Dellefoon angeschloss. Der fròòd jeddse midder Schdimm vunner Fraa: „Was kann isch für Sie tun?“Unn danne driggd mer die Ääns fier Beschdellunge rinsegenn, unn die Dswei driggd mer fier sei ganser Äärjer uffs Band dse schwäddse – wann mer will – schdunnelang. Heerd mer danne uff odder machd e dsuu lang Paus, saad die Fraa ausem Kombjuuder: „Danke für ihre Meinung. Wir leiten Ihre Anregung an unsere Geschäftsleitung weiter.“Jeeder iss sefridde unn saad dehemm dsuu Seinem: „Denne hann isch mò rischdisch die Määnung gegeid, unn nidd dse gnabb!“Unn mier im Birro hann unser Ruh!

Leddschdens hadd ääner unserm Scheff gesaad, ei das wäär jò so freindlisch, das Frollein aam Dellefoon. Dò hadd de Scheff gemennd, das wäär aach sei beschd Grafd, die gäng nie meggere. Wann das so weidergehn gäng, gääder das Määde noch in die Geschäfdsleidung holle.“.............................................